କଟକ: ଜଗତପୁର ଥାନା ଅନ୍ତର୍ଗତ ବିରୂପା ବ୍ୟାରେଜରେ ଅଘଟଣ । ବ୍ୟାରେଜରୁ ଖସିପଡି ଯୁବକ ନିଖୋଜ । ନିଖୋଜ ଯୁବକ ଜଣକ ଚୌଦ୍ବାର ମଙ୍ଗଳା ସାହିର ବିକି ଗୋଚ୍ଛାଏତ ବୋଲି ଜଣାପଡିଛି । ସେପଟେ, ଘଟଣା ବିଷୟରେ ଖବର ପାଇ ଅଗ୍ନିଶମ ବିଭାଗ, ଓଡ୍ରାଫ ଟିମ ଓ ସ୍କୁବା ଡାଇଭର ଉଦ୍ଧାର କାର୍ଯ୍ୟରେ ଲାଗିଛନ୍ତି ।
ବିରୂପା ନଦୀକୁ ଖସି ଯୁବକ ନିଖୋଜ
ବିକି ତାଙ୍କ ସାଙ୍ଗଙ୍କ ସହ ବିରୂପା ବ୍ୟାରେଜ ନିକଟକୁ ବୁଲିବାକୁ ଯାଇଥିଲେ । ଏହି ସମୟରେ ସେ ହଠାତ ବ୍ୟାରେଜ କଡରେ ଥିବା ଫୁଟପାଥରୁ ତଳକୁ ଖସି ପଡିଥିଲେ । ନଦୀରେ ପାଣି ଥିବାବେଳେ ସେ କିଛି ସମୟ ପହଁରିବାକୁ ଚେଷ୍ଟା କରିବା ପରେ ନିଖୋଜ ହୋଇଯାଇଥିଲେ ।
ଅନ୍ୟପଟେ, ଗତ 4ବର୍ଷରୁ ପୂର୍ବରୁ ବିକିଙ୍କ ହାର୍ଟ ସର୍ଜରୀ କରାଯାଇଥିବାବେଳେ ତାଙ୍କ ଛାତିରେ ଏକ ମେସିନ ଲଗାଯାଇଥିଲା । ଏପରିକି ତାଙ୍କ ମାନସିକ ସ୍ଥିତି ମଧ୍ୟ ଠିକ ନଥିବାରୁ ସେ ଆତ୍ମହତ୍ୟା ହତ୍ୟା ଉଦ୍ୟମ କରିପାରିନ୍ତି । ନଚେତ ଚେତାଶୂନ୍ୟ ହୋଇ ବ୍ୟାରେଜରୁ ତଳକୁ ଖସି ପଡିଥାଇପାରନ୍ତି ବୋଲି ଆଶଙ୍କା କରାଯାଉଛି ।
କଟକରୁ ନାରାୟଣ ସାହୁ, ଇଟିଭି ଭାରତ
