କଟକ: ପୁଣି ଗଣମାଧ୍ୟମର ହେଡଲାଇନରେ ମୁଣ୍ଡୁଳି ସେତୁ । କାରଣ ଏଠାରେ ଆଜି(ଗୁରୁବାର) ଯୁବକ ସେତୁ ଉପରୁ ଡେଇଁ ଆତ୍ମହତ୍ୟା କରିବାକୁ ଉଦ୍ୟମ କରିଛନ୍ତି । ତେବେ ଘଟଣା ସମ୍ପର୍କରେ ଖବର ପାଇ ଉଦ୍ଧାରକାରୀ ଟିମ ଯୁବକଙ୍କ ଉଦ୍ଧାର କାର୍ଯ୍ୟ ଜାରି ରଖିଥିବା ସୂଚନା ମିଳିଛି ।
ଯୁବକ ଜଣକ ସେତୁ ଉପରେ ସ୍କୁଟି ରଖି ମହାନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଛନ୍ତି । ସମ୍ପୃକ୍ତ ବ୍ୟକ୍ତି ଭୁବନେଶ୍ବର CRP ଅଞ୍ଚଳର ବୋଲି ସୂଚନା ମିଳିଛି । ଘଟଣାସ୍ଥଳରେ ବାରଙ୍ଗ ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି । ତେବେ ଆତ୍ମହତ୍ୟା ଉଦ୍ୟମ କରିଥିବା ବ୍ୟକ୍ତିଙ୍କର ପତ୍ତା ମିଳୁନଥିବା ଜଣାପଡ଼ିଛି ।
ସ୍କୁଟି ରଖି ମହାନଦୀକୁ ଡେଇଁଲେ ଯୁବକ, ଉଦ୍ଧାର କାର୍ଯ୍ୟ ଜାରି
ସେପଟେ ମହାନଦୀରେ ବର୍ତ୍ତମାନ ବହୁ ପରିମାଣର ପାଣି ରହିଛି । ଯୁବକ ଜଣକ କାହିଁକି ଏତେ ଦୂର ମୁଣ୍ଡୁଳି ବ୍ରିଜ ନିକଟକୁ ଆସି ଆତ୍ମହତ୍ୟା କରିବାକୁ ଉଦ୍ୟମ କରିଛନ୍ତି, ସେ ସମ୍ପର୍କରେ ସଠିକ ସୂଚନା ମିଳିନାହିଁ ।
କଟକରୁ ନାରାୟଣ ସାହୁ, ଇଟିଭି ଭାରତ
