ଲିଫ୍ଟ ଦେବା ପଡିଲା ମହଙ୍ଗା: ଫିଲ୍ମ ଷ୍ଟାଇଲରେ ଲୁଟିଲେ ପର୍ସ

ଲିଫ୍ଟ ମାଗିଲେ ଯୁବତୀ । ସାହାଯ୍ୟ କରିବାକୁ ଯାଇ ବାଇକ ଆରୋହୀ ଜଣକ ଲିଫ୍ଟ ଦେଲେ । କିଛି ସମୟ ଗାଡି ଆଗକୁ ଯାଇଥିଲା । ଆଉ ତାପରେ ହିଁ ଯୁବତୀ ଜଣକ ଯୁବକଙ୍କ ପର୍ସ ଲୁଟିବାକୁ ଆରମ୍ଭ କରିଦେଇଥିଲେ ଉଦ୍ୟମ । ହାତରେ ଥିଲା ବ୍ଲେଡ । ବାଇକ ଆରୋହୀ ଜାଣିଯିବାରୁ ହତ୍ୟାର ଧମକ ଦେଇଥିଲେ ଅଭିଯୁକ୍ତ ଯୁବତୀ । ପୁରା ଫିଲ୍ମ ଷ୍ଟାଇଲରେ ହୋଇଥିଲା ଲୁଟ ଉଦ୍ୟମ ।

କଟକ: ଲିଫ୍ଟ ମାଗିଲେ ଯୁବତୀ । ସାହାଯ୍ୟ କରିବାକୁ ଯାଇ ବାଇକ ଆରୋହୀ ଜଣକ ଲିଫ୍ଟ ଦେଲେ । କିଛି ସମୟ ଗାଡି ଆଗକୁ ଯାଇଥିଲା । ଆଉ ତାପରେ ହିଁ ଯୁବତୀ ଜଣକ ଯୁବକଙ୍କ ପର୍ସ ଲୁଟିବାକୁ ଆରମ୍ଭ କରିଦେଇଥିଲେ ଉଦ୍ୟମ । ହାତରେ ଥିଲା ବ୍ଲେଡ । ବାଇକ ଆରୋହୀ ଜାଣିଯିବାରୁ ହତ୍ୟାର ଧମକ ଦେଇଥିଲେ ଅଭିଯୁକ୍ତ ଯୁବତୀ । ପୁରା ଫିଲ୍ମ ଷ୍ଟାଇଲରେ ହୋଇଥିଲା ଲୁଟ ଉଦ୍ୟମ ।

ରବିବାର ଭୋରରୁ କଟକରେ ଦେଖିବାକୁ ମିଳିଛି ଏହି ଘଟଣା । ଲିଙ୍କ ରୋଡରେ ଯାଉଥାନ୍ତି ବାଇକ ଆରୋହୀ । ଅଭିଯୁକ୍ତ ଯୁବତୀ ତାଙ୍କୁ ଲିଫ୍ଟ ମାଗିଥିଲେ । କାଠଯୋଡି ପର୍ଯ୍ୟନ୍ତ ଲିଫ୍ଟରେ ଗଲା ପରେ ବାଇକ ଆରୋହୀଙ୍କ ପର୍ସ ଲୁଟିବାକୁ ବସିଥିଲେ । ହେଲେ କୌଣସି କାରଣବଶତଃ ବାଇକର ଟାୟାର ଫାଟିଯାଇଥିଲା । ନିଜ ପକେଟରୁ ପର୍ସ ଲୁଟ ଉଦ୍ୟମ ହେଉଥିବା ଘଟଣା ଜାଣି ପାରିଥିଲେ ବାଇକ ଆରୋହୀ । ଏହାକୁ ସେ ପ୍ରତିବାଦ କରିଥିଲେ । ହେଲେ ବ୍ଲେଡ ଦେଖାଇ ବେକ କାଟି ଦେବାକୁ ଧମକ ଦେଇଥିଲେ ଲିଫ୍ଟ ମାଗିଥିବା ଯୁବତୀ ।

ପରିସ୍ଥିତି ଏପରି ହୋଇଥିଲା ଯେ ନିଜକୁ ବଞ୍ଚାଇବାକୁ ଯାଇ ଯୁବତୀଙ୍କୁ ଗାଡିରୁ ଠେଲି ଦେବାକୁ ବାଧ୍ୟ ହୋଇଥିଲେ ବାଇକ ଆରୋହୀ । ଲୁଟ ଉଦ୍ୟମ ଜାଣି ପରି ରାସ୍ତାରେ ଯିବା ଆସିବା କରୁଥିବା ଲୋକ ସମ୍ପୃକ୍ତ ଯୁବତୀଙ୍କୁ କାବୁ କରିନେଇଥିଲେ । କାଠଯୋଡି ପୋଲ ନିକଟରେ ପ୍ରବଳ ଭିଡ ହୋଇଯାଇଥିଲା । ଖବର ପାଇ ପୋଲିସ ଅଭିଯୁକ୍ତ ଯୁବତୀଙ୍କୁ ଥାନାକୁ ନେଇଛି ।

କଟକରୁ ନାରାୟଣ ସାହୁ, ଇଟିଭି ଭାରତ