କଟକ: ନିଆଳି ଥାନା ଅନ୍ତର୍ଗତ ପହଙ୍ଗା ଗାଁରେ ଜମିବାଡ଼ି ବିବାଦକୁ ନେଇ ଦେଢଶୂର ଭୁଜାଲି ମାଡରେ ଭାଇବୋହୂ ଗୁରୁତର ହୋଇଛନ୍ତି। ବୁଧବାର ବିଳମ୍ବିତ ରାତ୍ରୀରେ ଘଟିଛି ଏହି ଘଟଣା । ଆକ୍ରମଣ କରି ଫେରାର ହୋଇଯାଇଛି ଅଭିଯୁକ୍ତ ଦେଢଶୂର ।
ସୂଚନା ଅନୁଯାୟୀ ଅନେକ ଦିନ ହେଲା ବଡ଼ଭାଇ ଗଣେଶ୍ୱର ବାରିକ ଓ ସାନଭାଇ ଯୋଗେଶ୍ୱର ବାରିକ ମଧ୍ୟରେ ଜମିବାଡ଼ିକୁ କେନ୍ଦ୍ର କରି ଗଣ୍ଡଗୋଳ ଲାଗି ରହିଥିଲା। ଗତକାଲି ବିଳମ୍ବିତ ରାତିରେ ଭାଇ ବୋହୁ କାଦମ୍ବିନୀ ବାରିକଙ୍କୁ ଏକୁଟିଆ ପାଇ ଦେଢଶୂର ଗଣେଶ୍ୱର ବାରିକ ଭୁଜାଲିରେ ଆକ୍ରମଣ କରିଥିଲେ । ଫଳରେ କାଦମ୍ବିନୀଙ୍କ ବେକ ଓ ମୁହଁ କଟିଯାଇଛି ।
ଆକ୍ରମଣ ସମୟରେ କାଦମ୍ବିନୀଙ୍କ ଚିତ୍କାର ଶୁଣି ସ୍ଥାନୀୟ ବାସିନ୍ଦା ତାଙ୍କୁ ଉଦ୍ଧାର କରି ନିଆଳି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ପରେ ତାଙ୍କ ଅବସ୍ଥା ସଂକଟାପନ୍ନ ହେବାରୁ ତାଙ୍କୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ଘଟଣାରେ ନିଆଳି ପୋଲିସ କାହାକୁ ଗିରଫ କରିନଥିବା ବେଳେ ତଦନ୍ତ ଜାରି ରଖିଥିବା ଜଣାପଡିଛି ।
କଟକରୁ ନାରାୟଣ ସାହୁ,ଇଟିଭି ଭାରତ
