କଟକ: ୭୧ତମ ଜାତୀୟ ଇଷ୍ଟ ଜୋନ୍ ସିନିଅର ବାସ୍କେଟବଲ ଚାମ୍ପିୟନସିପ ଶେଷ ହୋଇଛି । ସ୍ଥାନୀୟ ଜବାହରଲାଲ ନେହେରୁ ଇଣ୍ଡୋର ଷ୍ଟାଡିଅମରେ ଗତ ୨୭ତାରିଖରୁ ଆରମ୍ଭ ହୋଇଥିବା ଏହି ମେଗା ପ୍ରତିଯୋଗିତା ଗୁରୁବାର ଶେଷ ହୋଇଛି ।
ଏହାମଧ୍ୟ ପଢନ୍ତୁ: ବିନା ଦର୍ଶକରେ ଖେଳାଯିବ ଭାରତ-ୱେଷ୍ଟଇଣ୍ଡିଜ ବାରବାଟୀ ଟି-୨୦ !
ପୁରୁଷ ବର୍ଗରେ ଉତ୍ତରାଖଣ୍ଡକୁ ହରାଇ ଉତ୍ତର ପ୍ରଦେଶ ହରାଇ ଚାମ୍ପିୟନ ହୋଇଥିଲା ବେଳେ ମହିଳା ବର୍ଗରେ ମଧ୍ୟ ଚାମ୍ପିୟନ ହୋଇଛି ଉତ୍ତର ପ୍ରଦେଶ। ଏହି ମେଗା ପ୍ରତିଯୋଗିତାରେ ୬ ଟି ରାଜ୍ୟ ଉତ୍ତରାଖଣ୍ଡ, ଉତ୍ତରପ୍ରଦେଶ, ବିହାର, ଝାରଖଣ୍ଡ, ପଶ୍ଚିମବଙ୍ଗ ଓ ଓଡିଶାର ଉଭୟ ପୁରୁଷ ଓ ମହିଳା ଖେଳାଳି ଭାଗ ନେଇଥିଲେ ।
ଲିଗ୍ ବେସିକରେ ଏହି ଟୁର୍ଣ୍ଣାମେଣ୍ଟର ସମସ୍ତ ମ୍ୟାଚ୍ ଖେଳା ଯାଇଥିଲା। । ଓଡିଶା ବାସ୍କେଟବଲ କ୍ରୀଡା ସଂଘ ମଧ୍ୟ ପ୍ରଥମ ଥର ପାଇଁ ଏହି ମେଗା ଇଷ୍ଟ ଜୋନ୍ ଟୁର୍ଣ୍ଣାମେଣ୍ଟ ଆୟୋଜନ କରିଥିଲା । ତେବେ ଏହି ଅୟୋଜନ ସଫଳ ହେବା ସହ ଆଗାମୀ ଦିନରେ ଆହୁରି ମେଗା କ୍ରୀଡ଼ା ପ୍ରତିଯୋଗିତା ଆୟୋଜନ କରିବା ନେଇ ସ୍ପଷ୍ଟ କରିଛି ରାଜ୍ୟ ସଂଘ ।
କଟକରୁ ପ୍ରଭୁ କଲ୍ୟାଣ ପାଲ୍, ଇଟିଭି ଭାରତ
