କଟକ: ସିଲଭର ସିଟିରୁ ପୁଣି ଧରାପଡିଲେ ବନ୍ଧୁକ ବେପାରୀ । ଚାଉଳିଆଗଞ୍ଜ ପୋଲିସ ପଞ୍ଝାରେ ପଡିଛନ୍ତି ଏହି ବେପାରୀ । ୪ ଜଣ ବେପାରୀଙ୍କ ସହ ୫ଟି ବନ୍ଧୁକ ଓ ଗୁଳି ଜବତ କରିଛି ପୋଲିସ । ଏହି ଅଭିଯୁକ୍ତମାନେ କୁଖ୍ୟାତ ଅପରାଧୀ ହୋଇଥିବା ଜଣାପଡିଛି ।
କଟକରୁ ୪ ବନ୍ଧୁକ ବେପାରୀ ଗିରଫ, ୫ ବନ୍ଧୁକ ଜବତ
ଅପରାଧିକ କାର୍ଯ୍ୟକଳାପରେ ବ୍ୟବହାର କରିବା ଉଦ୍ଦେଶ୍ୟରେ ସେମାନେ ବନ୍ଧୁକ ଆଣିଥିଲେ । ବିଶ୍ଵସ୍ତସୂତ୍ରରୁ ଖବର ପାଇ ଏମାନଙ୍କୁ ଗିରଫ କରିଛି ପୋଲିସ । ଏମାନଙ୍କ ଭିତରୁ ତିନି ଜଣ ଜଗତସିଂହପୁର ଜିଲ୍ଲାର ହୋଇଥିବା ବେଳେ ସୌମେନ୍ଦ୍ର ସାହୁ ଓରଫ ମାଗୁ ହେଉଛି କଟକ ଜିଲ୍ଲାର । ତା' ବିରୋଧରେ ଚାଉଳିଆଗଞ୍ଜ ଥାନାରେ ଅନେକ ଅପରାଧିକ ମାମଲା ରହିଛି ।
ଅପରାଧୀଙ୍କୁ ବନ୍ଧୁକ ଯୋଗାଇବା ଓ ନିଜର ଅପରାଧିକ କାର୍ଯ୍ୟକଳାପ ପାଇଁ ଏମାନେ ବନ୍ଧୁକ ରଖିଥିଲେ । ତେବେ ଗତ ୮ ମାସ ଭିତରେ ୫୯ ଟି ବନ୍ଧୁକ କଟକ ସହରାଞ୍ଚଳ ପୋଲିସ ଜବତ କରିଛି ବୋଲି ସୂଚନା ଦେଇଛନ୍ତି ପୋଲିସ କମିସନର ସୌମେନ୍ଦ୍ର ପ୍ରିୟଦର୍ଶୀ ।
କଟକରୁ ନାରାୟଣ ସାହୁ, ଇଟିଭି ଭାରତ
