କଟକ: ସିଲଭର ସିଟିରେ ଏବେବି ମନ୍ଦିର ଖୋଲିବା ନେଇ ଜାରି ରହିଛି କଳ୍ପନାଜଳ୍ପନା । କେବେ ଖୋଲିବ କଟକ ସହରର ପ୍ରମୁଖ ମନ୍ଦିର । ଏନେଇ ଗତକାଲି ଜିଲ୍ଲାର ସମସ୍ତ ମନ୍ଦିର କୋଭିଡ ଗାଇଡ଼ ଲାଇନ ଆଧାରରେ ଖୋଲିବା ପାଇଁ ନିଷ୍ପତ୍ତି ନେଇଛି ଜିଲ୍ଲା ପ୍ରଶାସନ ।
କଟକ ସହରରେ ଚଣ୍ଡି ମନ୍ଦିର ଖୋଲିବା ନିଷ୍ପତ୍ତିକୁ କାୟମ ରଖିଲା CMC
ଆଉ ଏହାରି ମଧ୍ୟରେ ସହରର ପ୍ରମୁଖ ମନ୍ଦିର ଖୋଲିବା ପ୍ରସଙ୍ଗ ଉପରେ ସିଏମସି ଉପରେ ଦାୟିତ୍ବ ନ୍ୟସ୍ତ କରିଛି ଜିଲ୍ଲା ପ୍ରଶାସନ । ତେବେ ଆଜି (ବୁଧବାର) ଶାନ୍ତି କମିଟି ଓ ପୂଜା କମିଟି ସହ ବସିଥିବା ବୈଠକରେ କୌଣସି ନିଷ୍କର୍ସ ବାହାରି ପାରିନାହିଁ ।
ସେପଟେ ସମସ୍ତଙ୍କ ମତ ମନ୍ଦିର ଖୋଲିବା ପାଇଁ ରହିଥିଲା ବେଳେ ଏହା ଉପରେ ସବୁଜ ସଙ୍କେତ ଦେଇ ନାହାନ୍ତି ସିଏମସି କମିଶନର ଅନନ୍ୟା ଦାସ । ତେବେ ଏନେଇ ଚୂଡାନ୍ତ ନିଷ୍ପତି ନିଆଯିବ ଓ ତାହାପରେ କଟକର ପ୍ରମୁଖ ଚଣ୍ଡି ମନ୍ଦିର ଆଦି ଖୋଲିବା ନେଇ ନିଷ୍ପତି ନିଆଯିବ ବେଲି ସ୍ପଷ୍ଟ କରିଛନ୍ତି CMC କମିଶନର ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
