କଟକ: ହାର୍ଡକୋର କ୍ରିମିନାଲ ଚିକୁ ଓ ଛୋଟୁ ଗିରଫ । ଦୀର୍ଘ ଦିନ ଧରି ଅପରାଧ ଦୁନିଆରେ ଉଭୟ ନିଜର ଦବଦବା ଜାହିର କରିଥିଲେ । ପରିଶେଷର ମଙ୍ଗଳବାର କମିଶନରେଟ ପୋଲିସ ଏହି ଦୁଇ ହାର୍ଡକୋର ଲୁଟେରାଙ୍କ ସମେତ ଆଉ 4 ଜଣ ସହଯୋଗୀଙ୍କୁ ଗିରଫ କରିଛି ।
ଦୁଇ ହାର୍ଡକୋର ଅପରାଧୀଙ୍କ ସମେତ 6 ଗିରଫ
ଖବର ଅନୁଯାୟୀ, ଚୌଦ୍ୱାର ଅଞ୍ଚଳରେ ଚିକୁ ଓ ଛୋଟୁ ଅନେକ ବର୍ଷ ଧରି ଲୁଟପାଟ କରି ଆସୁଥିଲେ । ବିଶେଷକରି ଏକୁଟିଆ ଘର ଦେଖି ଆକ୍ରମଣ କରୁଥିଲେ ଓ ସୁନା ଗହଣା ଭଳି ଦାମୀ ସାମଗ୍ରୀ ଲୁଟି ନେଉଥିଲେ । ପୂର୍ବରୁ ମଧ୍ୟ ଏହି ଦୁଇ ଭେଟରାନ ଲୁଟେରାଙ୍କ ବିରୁଦ୍ଧରେ କଟକରେ ଅନେକ ମାମଲା ରହିଛି । ତେବେ ଦୀର୍ଘ ବର୍ଷ ହେବ ପୋଲିସ ହ୍ୟାଣ୍ଡକପରୁ ବଞ୍ଚିବା ପରେ ଆଜି ପୋଲିସ ଛୋଟୁ ଓ ଚିକୁ ସମେତ ସେମାନଙ୍କ 4 ସହଯୋଗୀଙ୍କୁ ଗିରଫ କରିଛି ।
ଅଭିଯୁକ୍ତଙ୍କ ଠାରୁ 165 ଗ୍ରାମ ସୁନା, ଦୁଇଟି ଲ୍ୟାପଟପ, ଗୋଟିଏ କଟର ମେସିନ ଇତ୍ୟାଦି ଚୋରି ସାମଗ୍ରୀ ଜବତ କରିଛି ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
