କଟକ: କଟକରେ ବଡ ଧରଣର ଡକାୟତି। ନୟାସଡକରେ ଥିବା ଏକ ଫାଇନାନ୍ସରୁ ପାଖାପାଖି 12 କୋଟି ଟଙ୍କାର ଜିନିଷ ଲୁଟି ନେଇଥିବା ସୂଚନା । ବିଶେଷ କରି ଲକରରେ ଥିବା ସୁନାଗହଣାକୁ ଲୁଟିନେଇଥିବା ଅଭିଯୋଗ ହୋଇଛି । ସେପଟେ ଘଟଣାସ୍ଥଳରେ ପୋଲିସ ପହଞ୍ଚିବା ସହ ତଦନ୍ତ ଆରମ୍ଭ କରିଛି ।
ସୂଚନା ଅନୁଯାୟୀ, ସକାଳ ସମୟରେ 4 ଜଣ ଦୁର୍ବୃତ୍ତ ଆସି ଏଠାକାର ସୁରକ୍ଷାକର୍ମୀଙ୍କୁ ବନ୍ଧୁକ ଦେଖାଇବା ସହ ତାଙ୍କ ଠାରୁ ଚାବି ଛଡାଇ ନେଇଥିଲେ । ପରେ ଲକରରୁ ସୁନା ନେବା ସହ ସୁରକ୍ଷାକର୍ମୀଙ୍କୁ ମାଡ ମାରିଥିବା କୁହାଯାଉଛି ।
ହେଲେ କଟକ ପରି ଜନଗହଳି ପୂର୍ଣ୍ଣ ସ୍ଥାନରେ କିପରି ଦୁର୍ବୃତ୍ତ ମାନେ ଏପରି ସାହସ କଲେ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଏହା ପୂର୍ବ ନିର୍ଦ୍ଧାରିତ ଯୋଜନା ହୋଇଥିବା କୁହାଯାଉଛି । ଏପଟେ ପୋଲିସ 7ଟି ଟିମ୍ ଗଠନ କରି ତଦନ୍ତ ପ୍ରକ୍ରିୟା ଜୋରଦାର କରିଛି । ନିକଟରେ ଥିବା ସିସିଟିଭି ଯାଞ୍ଚ କରି ଡକାୟତଙ୍କ ପାଖରେ ପହଞ୍ଚିବାକୁ ଚେଷ୍ଟା କରୁଛି ପୋଲିସ ।
କଟକରୁ ନାରାୟଣ ସାହୁ, ଇଟିଭି ଭାରତ
