କଟକ: ସିଡିଏ ଅଞ୍ଚଳରେ ଲୁଟେରାଙ୍କ ରାଜ । ରାତିରେ ସବୁ ଶୋଇଲା ପରେ ବୁଲୁଛି କଳାକନା । ଆଉ ଲୁଟି ନିଅନ୍ତି ସୁନା ଗହଣା ଓ ଟଙ୍କା । କରୋନା ଭୟ ଯୋଗୁଁ ଲକଡାଉନ ଅବଧି ବଢିଯାଇଥିବା ବେଳେ ଏହାର ଫାଇଦା ନେଉଛନ୍ତି ଲୁଟେରା । ଅଞ୍ଚଳରେ ଏମିତି ଲୁଟ ଘଟଣା ପଦାକୁ ଆସିବ ପରେ କୋରୋନା ଅପେକ୍ଷା ସିଡିଏ ବାସୀଙ୍କୁ ଘାରିଛି ଲୁଟେରା ଭୟ ।
କଟକ ସିଡିଏବାସୀଙ୍କୁ ଘାରିଛି ଲୁଟେରା ଭୟ । ଅଞ୍ଚଳରେ ଏମିତି କିଛି ମାମଲା ପଦାକୁ ଆସିବା ପରେ ଅଞ୍ଚଳବାସୀଙ୍କୁ ଏବେ କୋରନା ଅପେକ୍ଷା ଅଧିକ ସମସ୍ୟା ଦେଉଛି ଲୁଟେରା ଭୟ । ଏନେଇ ମର୍କତନଗର ଥାନା ଓ ସିଡିଏ ଫେଜ ଟୁ ଥାନାରେ ମାମଲା ଦାଏର ହୋଇଛି । ହେଲେ ଲକଡାଉନ ରାତିରେ ଘର ଲକରରୁ ଯାଉଛି ଟଙ୍କା । ଯାହା ସ୍ପଷ୍ଟ କରୁଛି କରୋନା ଭୟର ଫାଇଦା ଉଠାଉଛନ୍ତି ଦୁର୍ବୁତ୍ତ ।
ଅନ୍ୟପଟେ ଏ ଦିଗରେ ପୋଲିସ ଆଉ ଟିକେ ସକ୍ରିୟ ହେଲେ ଭଲ ବୋଲି କହିଛନ୍ତି ସ୍ଥାନୀୟ ବାସିନ୍ଦା । ଏମିତି ବି ଲକ ଡାଉନ ସମୟରେ କଟକ ରେ ଲୁଟ ସଂଖ୍ୟା କମ ହୋଇଥିଲେ ସୁଦ୍ଧା ଏହା ଯେପରି ଆଗକୁ ନହୁଏ ସେଥିପ୍ରତି ବେଶ ଯତ୍ନବାନ ରହିଛି କମିଶନରେଟ ପୋଲିସ ।
କଟକ ରୁ ପ୍ରଭୁକଲ୍ୟାଣ ପାଲ ଈଟିଭି ଭାରତ
