କଟକ: ସରକାରୀ ସ୍କୁଲରେ ପଢୁଥିବା ଛାତ୍ରଛାତ୍ରୀଙ୍କ ମେଡ଼ିକାଲ ଓ ଇଞ୍ଜିନିୟରିଂରେ ପାଠ ପଢାରେ ସଂରକ୍ଷଣ ନେଇ କ୍ୟାବିନେଟରେ ହୋଇଥିବା ନିଷ୍ପତିକୁ ରାଜ୍ୟ ସାରା ସ୍ବାଗତ କରାଯାଉଛି । ଏହି କ୍ରମରେ ବିଜେଡି ଛାତ୍ର ଜନତା ଦଳ ପକ୍ଷରୁ ମୁଖ୍ୟମନ୍ତ୍ରୀଙ୍କ ଏହି ନିଷ୍ପତିକୁ ସ୍ବାଗତ କରି ରେଭେନ୍ସା ବିଶ୍ବବିଦ୍ୟାଳୟ ସମ୍ମୁଖରେ ଉତ୍ସବ ପାଳନ କରାଯାଇଥିଲା ।
ମେଡ଼ିକାଲ ଓ ଇଞ୍ଜିନିୟରିଂରେ ପାଠପଢାରେ ସଂରକ୍ଷଣ ବ୍ୟବସ୍ଥା: ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଦେଲେ ଛାତ୍ରଛାତ୍ରୀ ଓ କର୍ମୀ
ଏଥିରେ ବାରବାଟୀ କଟକ ବିଧାୟକ ସୋଭିକ ବିଶ୍ବାଳଙ୍କ ସହିତ ବିଜୁ ଛାତ୍ର ଜନତା ଦଳର ଅନେକ ସଦସ୍ୟ ଯୋଗ ଦେଇ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜ୍ଞାପନ କରିଥିଲେ । ଏହାଦ୍ବାରା ସରକାରୀ ସ୍କୁଲ ଗୁଡ଼ିକ ପ୍ରତି ବିମୁଖ ହେଉଥିବା ଛାତ୍ରଛାତ୍ରୀ ଏବଂ ଅବିଭାବକମାନଙ୍କ ମଧ୍ୟରେ ପୁଣି ଥରେ ସରକାରୀ ସ୍କୁଲ ପ୍ରତି ଆଗ୍ରହ ବୃଦ୍ଧି ପାଇବ ବୋଲି ମତ ପ୍ରକାଶ ପାଇଥିଲା ।
କଟକରୁ ନାରାୟଣ ସାହୁ, ଇଟିଭି ଭାରତ
