କଟକ: ‘ଅଫଲାଇନ ନୁହେଁ, ଅନଲାଇନରେ ପରୀକ୍ଷା ଦେବୁ। କୋଭିଡ ସଂକ୍ରମଣ ବ୍ୟାପୁଥିବା କାରଣରୁ ଆମେ ଅଫଲାଇନରେ ଆଉ ପରୀକ୍ଷା ଦେବୁ ନାହିଁ’। ଏହି ଦାବି ନେଇ ରେଭେନ୍ସା ଛାତ୍ରଛାତ୍ରୀ ଆନ୍ଦୋଳନକୁ ଓହ୍ଲାଇଥିଲେ । କୁଳପତିଙ୍କ କାର୍ଯ୍ୟାଳୟ ଆଗରେ ନାରାବାଜି କରିବା ସହ ଧାରଣାରେ ବସିଥିଲେ ଶତାଧିକ ଛାତ୍ରଛାତ୍ରୀ ।
ବଢୁଛି ସଂକ୍ରମଣ , ଅଫଲାଇନ ବଦଳରେ ଅନଲାଇନରେ ପରୀକ୍ଷା କରିବାକୁ ଦାବି କଲେ ରେଭେନ୍ଶା ଛାତ୍ରଛାତ୍ରୀ
ଅଫଲାଇନରେ ପରୀକ୍ଷା ଦେଲେ ସଂକ୍ରମଣ ବ୍ୟାପିବାର ଆଶଙ୍କା ଅଧିକ ରହିଛି। ତେଣୁ ଆସନ୍ତା ୧୯ ତାରିଖରେ ହେବାକୁ ଥିବା ପରୀକ୍ଷାକୁ ଅଫଲାଇନ ବଦଳରେ ଅନଲାଇନ କରିବା ଦାବିରେ ଆନ୍ଦୋଳନ କରିଛନ୍ତି ଛାତ୍ରଛାତ୍ରୀ । ଅନ୍ୟପଟେ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ କହିଛନ୍ତି ସ୍ଥିତି ଦେଖି ନିଷ୍ପତି ନିଆଯିବ । ବିଶ୍ୱବିଦ୍ୟାଳୟ କ୍ୟାମ୍ପସରେ ବର୍ତ୍ତମାନ କେହି ପଜେଟିଭ ନାହାନ୍ତି । ଯଦି କେହି ଆକ୍ରାନ୍ତ ହୋଇଥିବା ନେଇ ରିପୋର୍ଟ ଆସେ, ତେବେ ଅନଲାଇନରେ ପରୀକ୍ଷା କରାଯିବା ନେଇ ବିଚାର କରାଯିବ ବୋଲି ବିଶ୍ବ ବିଦ୍ୟାଳୟ କର୍ତ୍ତୃପକ୍ଷ ସୂଚନା ଦେଇଛନ୍ତି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
