କଟକ: ରାସ୍ତା ଉପରେ ବଢ ଚାଲିଛି ଅମାନିଆଙ୍କ ରାଜ । ତଣ୍ଡ ଗଣି ଗଣି ନାକେଦମ ହେଲାଣି ପୋଲିସ । ହେଲେ ଅମାନିଆ ବାବୁମାନେ ଜିଦିରେ ଅଟଳ । ଫାଇନ ଦେବୁ ପଛେ ରାସ୍ତାରେ ଚକ୍କର କାଟିବୁ । ଶନିବାର କଟକର ବିଭିନ୍ନ ଚେକିଂ ଓ ବ୍ଳକିଂ ସ୍ଥାନରେ ଶତାଧିକ ଗାଡି ଚାଳକ ତଣ୍ଡ ଗଣିଥିବା ଜଣା ପଡିଛି ।
ଗୋଟିଏ ପଟେ ସାମଜିକ ଦୂରତ୍ବକୁ ଆଖି ଠାର ତ ଅନ୍ୟପଟେ ମାସ୍କ ନପିନ୍ଧି ବଜାରରେ ପ୍ରବେଶ । ଶନିବାର ମୋଟ 279 ଜଣ ମାସ୍କ ନପିନ୍ଧି ତଣ୍ଡ ଗଣିଥିବା ଜଣା ପଡିଛି । ସେହିପରି ସାମଜିକ ଦୂରତ୍ବ କଟକଣାକୁ ଉଲଙ୍ଘନ କରି 249 ଜଣ ଗଣିଛନ୍ତି ମୋଟା ଅଙ୍କର ତଣ୍ଡ । ତେବେ ଲକଡାଉନ କଟକଣା ସମାନ୍ୟ କୋହଳ ପରେ ବି ସମାନ ଦୃଶ୍ୟ ନଜର ଆସୁଛି । ଯାହାର ଫାଇଦା ନେଉଛନ୍ତି ଅଭ୍ୟାସଗତ ଅମାନିଆ ।
ତେବେ ଦିନରେ କୋହଳ ପରେ ଯେଉଁ ଚିତ୍ର ରାତିରେ ଜାରି ହେଉଥିବା କର୍ଫ୍ୟୁରେ ମଧ୍ୟ ଧିରେ ଧିରେ ସମାନ ଅବସ୍ଥା ଦେଖିବାକୁ ମିଳୁଛି । ଯାହା ପୋଲିସ ପାଇଁ ଏବେ ମୁଣ୍ଡବ୍ୟଥାର ମୁଖ୍ୟ କାରଣ ପାଲଟିଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
