ନିଆଳି: କଟକ ଜିଲ୍ଲା ନିଆଳି ଥାନାରେ ଏକ ବଡ ବ୍ୟାଙ୍କ ଡକାୟତି ଉଦ୍ୟମ ପଣ୍ଡ ହୋଇଛି । ୬ ଜଣ ଡକାୟତି ଗ୍ୟାଙ୍ଗ ବ୍ୟାଙ୍କ ଲୁଟିବା ପାଇଁ ଯୋଜନା କରୁଥିବା ବେଳେ ପୋଲିସ ୩ ଜଣ ଡକାୟତଙ୍କୁ କାବୁ କରିଛି । ତେବେ ଏମାନଙ୍କଠାରୁ କିଛି ମାରଣାସ୍ତ୍ର ସହ ୫ଟି ବାଇକ ଜବତ ହୋଇଛି ।
ଏହି ଡକାୟତି ଗ୍ୟାଙ୍ଗ ବ୍ୟାଙ୍କ ଲୁଟିବା ପାଇଁ ଯୋଜନା କରୁଥିବା ବେଳେ ସ୍ଥାନୀୟ ଲୋକ ଦେଖି ପୋଲିସକୁ ଖବର ଦେଇଥିଲେ । ପୋଲିସକୁ ଦେଖି ଡକାୟତମାନେ ବିଲରେ ଦୌଡ଼ିଥିଲେ । ଗ୍ରାମବାସୀଙ୍କ ସହାୟତାରେ ୩ ଜଣ ଡକାୟତଙ୍କୁ କାବୁ କରି ପୋଲିସ ସେମାନଙ୍କୁ ଥାନାକୁ ଆଣି ପଚରାଉଚରା କରିଥିଲା ।
ଗତକାଲି ରାତିରେ ଘଟଣାରେ ସମ୍ପୃକ୍ତ ଥିବା ଆଉ ୩ ଜଣଙ୍କୁ ମଧ୍ୟ ଧରିଥିଲା ପୋଲିସ । ମୋଟ ୬ ଜଣ ଡକାୟତଙ୍କୁ ଆଜି କୋର୍ଟ ଚାଲାଣ କରାଯାଇଛି । ସେମାନଙ୍କଠାରୁ ଗୋଟିଏ ବନ୍ଧୁକ ଓ ଗୋଟିଏ ଛୁରୀ, ୩ଟି କଟୁରି, ୪ଟି ମୋବାଇଲ, ୫ଟି ବାଇକ୍ ଜବତ ହୋଇଥିବା ସୂଚନା ଦେଇଛନ୍ତି ଥାନା ଅଧିକାରୀ ବିଜୟ କୁମାର ମଲ୍ଲିକ । ବ୍ୟାଙ୍କ ଡକାୟତି ସହ ବଡ ବଡ ଅପରାଧରେ ଯୁବକମାନେ ଅଭିଯୁକ୍ତ ଥିବା ବେଳେ ପୋଲିସ ଏମାନଙ୍କୁ ଧରିବା ପାଇଁ ଦୀର୍ଘ ଦିନ ହେବ ଜାଲ ବିଛାଇଥିଲା ।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଇଟିଭି ଭାରତ
