କଟକ: ଆନ୍ଦୋଳନରୁ ଓହରିଲେ ଆଇନଜୀବୀ । ଆଜି(ଶୁକ୍ରବାର) ହାଇକୋର୍ଟ ବାର ପରିସରରେ ଆଇନଜୀବୀ ପରିଷଦ ବୈଠକରେ ଏହି ନିଷ୍ପତ୍ତି ନିଆଯାଇଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଓ ବାର କାଉନସିଲ ଅଫ ଇଣ୍ଡିଆର ଅନୁରୋଧକ୍ରମେ ଆନ୍ଦୋଳନରୁ ଓହରି ଥିବା ହାଇକୋର୍ଟ ବାର ସଭାପତି ସୂଚନା ଦେଇଛନ୍ତି ।
ଆସନ୍ତା ସୋମବାରରୁ ଆଇନଜୀବୀମାନେ କୋର୍ଟ କାର୍ଯ୍ୟରେ ଯୋଗଦେବେ ବୋଲି ନିଷ୍ପତ୍ତି ହୋଇଛି । ତେବେ କଲେଜିୟମ ବ୍ୟବସ୍ଥାକୁ ବିରୋଧ ଜାରି ରହିବ ବୋଲି ହାଇକୋର୍ଟ ବାର ସଭାପତି କହିଛନ୍ତି ।
କଲେଜିୟମ ବ୍ୟବସ୍ଥାକୁ ବିରୋଧ କରି ଆଇନଜୀବୀମାନେ କାର୍ଯ୍ୟବନ୍ଦ ଆନ୍ଦୋଳନ କରିଥିଲେ । ଏନେଇ ସୁପ୍ରିମକୋର୍ଟ କଡା ଆଭିମୁଖ୍ୟ ଗ୍ରହଣ କରିବା ସହ ରାଜ୍ୟ ବାର କାଉନସିଲ ଅଧ୍ୟକ୍ଷ ଓ ହାଇକୋର୍ଟ ବାର ସଭାପତିଙ୍କୁ ବ୍ୟକ୍ତିଗତ ହାଜର ହେବାକୁ କହିଥିଲେ ।
ତେବେ ଆସନ୍ତା ନଭେମ୍ବର 8 ତାରିଖରେ ସୁପ୍ରିମକୋର୍ଟ ନିକଟରେ ହାଇକୋର୍ଟ ବାର ସଭାପତି ବ୍ୟକ୍ତିଗତ ଭାବେ ହାଜର ହୋଇ ଆନ୍ଦୋଳନ ପ୍ରତ୍ୟାହୃତ କରାଯାଇଥିବା ନେଇ ଅବଗତ କରାଇବେ ବୋଲି ହାଇକୋର୍ଟ ବାର ସଭାପତି କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
