କଟକ: ବ୍ରାଉନସୁଗାର ଚାଲାଣ ବେଳେ ୩ ଜଣ ଅଭିଯୁକ୍ତଙ୍କୁ ଗିରଫ କରିଛି କଟକ ମଧୁପାଟଣା ଥାନା ପୋଲିସ ଓ ସ୍ପେଶାଲ ସ୍କ୍ବାର୍ଡ । ମଧୁପାଟଣା ଥାନା ଅନ୍ତର୍ଗତ ତିନିଘରିଆ ଆମ୍ବ ବଗିଚା ଅଞ୍ଚଳରେ ବ୍ରାଉନସୁଗାର ଚାଲାଣ ହେଉଥିବା ଖବର ପାଇ କମିଶନରେଟ୍ ପୋଲିସର ସ୍ପେଶାଲ ସ୍କ୍ବାର୍ଡ ଚଢାଉ କରି 3 ଜଣଙ୍କୁ ଗିରଫ କରିଛି।
କୋଟିଏ ଟଙ୍କାର ବ୍ରାଉନ୍ନସୁଗାର ଜବତ, 3 ଗିରଫ
ଗିରଫ ଅଭିଯୁକ୍ତଙ୍କ ନିକଟରୁ 1 କେଜିରୁ ଅଧିକ ବ୍ରାଉନସୁଗାର, ଏକ ବାଇକ୍, ୧୭ ହଜାର ଟଙ୍କା ଏବଂ ୪ଟି ମୋବାଇଲ ଫୋନ ଜବତ କରିଛି ପୋଲିସ। ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ 1 କୋଟି 10 ଲକ୍ଷ ଟଙ୍କା ହେବ ବୋଲି ଜଣାପଡିଛି।
କଟକରୁ ପ୍ରଭୂକଲ୍ୟାଣ ପାଲ୍, ଇଟିଭି ଭାରତ
