କଟକ: ଆଗାମୀ ରଣଜୀ ସିଜିନ ପାଇଁ ଓସିଏର ଚୟନ ହେଲେ କୋଚ୍ । ପୂର୍ବରୁ ମୁଖ୍ୟ କୋଚ ଭାବରେ ୱାସିମ ଜାଫରଙ୍କୁ ଦାୟିତ୍ବ ଦେଇଥିବା ଓସିଏ ବର୍ତ୍ତମାନ ବୋଲିଂ ଫିଲ୍ଡିଂ କୋଚ ପରିବର୍ତ୍ତନ କରିଛି । ସଞ୍ଜୟ ସତପଥୀ ଓସିଏର ବୋଲିଂ କୋଚ୍ ଭାବରେ ଦାୟିତ୍ବ ତୁଲାଇବେ । ସେହିଭଳି ଗୌତମ ଗୋପାଲଙ୍କୁ ଫିଲଡିଂ କୋଚ ଦାୟିତ୍ବ ଦେଇଛି ଓସିଏ । ସେପଟେ 23 ବର୍ଷ ରୁ କମ ଦଳ ପାଇଁ ବ୍ୟାଟିଂ କୋଚ ନଟରାଜ ବେହେରା ଓ ବୋଲିଂ କୋଚ୍ ଭାବରେ ରାକେଶ ମହାନ୍ତିଙ୍କୁ ନିଯୁକ୍ତ କରିଛି ଓସିଏ ।
ସେହିପରି ପୂର୍ବରୁ ଓସିଏର ମୁଖ୍ୟ କୋଚ ଦାୟିତ୍ବରେ ରହିଥିବା ରଶ୍ମି ରଞ୍ଜନ ପରିଡ଼ାଙ୍କୁ 19,16 ଓ 14 ବର୍ଷରୁ କମ ଦଳର ମୁଖ୍ୟ କୋଚ୍ ଦାୟିତ୍ବ ଦିଆଯାଇଛି । ନଜର ପକାନ୍ତୁ ଓସିଏର କେଉଁ ଦଳ ପାଇଁ କିଏ କୋଚ ନିଯୁକ୍ତ ହୋଇଛନ୍ତି ।
19 ବର୍ଷ ରୁ କମ୍ ଦଳ ବ୍ୟାଟିଂ କୋଚ : ରଶ୍ମି ରଞ୍ଜନ ଦାଶ
ବୋଲିଂ କୋଚ : ଶୋଭେନ ଦେବ
16 ବର୍ଷ ରୁ କମ୍ ଦଳ ବ୍ୟାଟିଂ କୋଚ : କେଭି ପ୍ରସାଦ
ବୋଲିଂ କୋଚ : ଦୀପକ ବେହେରା
ସିନିଅର ମହିଳା ଦଳର ମୁଖ୍ୟ କୋଚ୍ : ସୁରେଶ କୁମାର
ବ୍ୟାଟିଂ କୋଚ: ବିକାଶ ପତି
23 ବର୍ଷ ରୁ କମ ମହିଳା ଦଳ କୋଚ : ଇତିଶ୍ରୀ ପଟ୍ଟନାୟକ
19 ବର୍ଷ ରୁ କମ ମହିଳା କୋଚ : କାଦମ୍ବିନୀ ମହାକୁଡ଼
ସହକାରୀ କୋଚ : ଗଙ୍ଗୋତ୍ରୀ ବେହେରା ।
ଆଗକୁ ବିସିସିଆଇର ଘରୋଇ ସିଜିନ ସହ ରଣଜୀ ଟୁର୍ଣ୍ଣାମେଣ୍ଟ ଆରମ୍ଭ ହେବ । ଏହାକୁ ନେଇ ଓସିଏ ପକ୍ଷରୁ ବର୍ତ୍ତମାନଠାରୁ ହିଁ ସମସ୍ତ ପ୍ରସ୍ତୁତି କରାଯାଉଛି । ମୁଖ୍ୟ କୋଚ ଭାବରେ ୱାସିମ ଜାଫର ଯୋଗ ଦେଇ ଇଣ୍ଡୋର ଅଭ୍ୟାସ ଆରମ୍ଭ କରିଥିବା ବେଳେ ତାଙ୍କୁ ସହଯୋଗ କରିବାକୁ ବିଭିନ୍ନ ଦଳର କୋଚ ପରିବର୍ତ୍ତନ ସହ ନୂଆ ସଦସ୍ୟଙ୍କୁ ନିଯୁକ୍ତି ଦେଇଛି ଓସିଏ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
