ଆଜିଠୁ ଆରମ୍ଭ ନବରାତ୍ର, ନାହିଁ ଭକ୍ତଙ୍କ କୋଳାହଳ

ଚଳିତବର୍ଷ କୋଭିଡ ପାଇଁ ସବୁ କିଛି ଠପ ହୋଇଯାଇଛି । କେବଳ ମାଆଙ୍କ ପୂଜା ରୀତିନୀତିରେ ହେବ । ଭକ୍ତଙ୍କୁ ମନ୍ଦିର ପ୍ରବେଶ ମନା । ଅଧିକ ପଢନ୍ତୁ...

କଟକ: ଆଜିଠୁ ଆରମ୍ଭ ହୋଇଛି ନବରାତ୍ର ପୂଜା । ପ୍ରତିବର୍ଷ ଏହାକୁ ବେଶ ଧୁମଧାମରେ ପାଳନ କରାଯାଇ ଥାଏ । ହେଲେ ଚଳିତବର୍ଷ କୋଭିଡ ପାଇଁ ସବୁ କିଛି ଠପ ହୋଇଯାଇଛି । କେବଳ ମାଆଙ୍କ ପୂଜା ରୀତିନୀତିରେ ହେବ । ଭକ୍ତଙ୍କୁ ମନ୍ଦିର ପ୍ରବେଶ ମନା ।

ତେବେ ଆଜି ଠୁ ନବରାତ୍ର ପୂଜା ଆରମ୍ଭ ହୋଇଛି । ଯେଉଁଥିରେ ଉଭୟ କଟକ ଚଣ୍ଡୀ ଓ ଗଡ଼ଚଣ୍ଡୀ ଙ୍କୁ ବିଭିନ୍ନ ବେଶରେ ସଜାଯାଇ ଥାଏ । ଆଜିଠୁ ବେଶ ପ୍ରକ୍ରିୟା ଆରମ୍ଭ ହୋଇଛି । ଆଜି ଗଡ଼ଚଣ୍ଡୀ ହରଚଣ୍ଡୀ ରୂପରେ ଦର୍ଶନ ଦେଇଛନ୍ତି । ତେବେ ବିନା ଭକ୍ତର ସମସ୍ତ ପୂଜା କର୍ମ ଜାରି ରହିଛି । ଯଜ୍ଞ ହୋମ ତପ ଇତ୍ୟାଦି ମନ୍ଦିର ପରିସରରେ ଜାରି ରହିଛି । ହେଲେ ଭକ୍ତଙ୍କ ଅନୁପସ୍ଥିତି ସ୍ୱତଃ ବାରି ହୋଇ ପଡ଼ୁଛି । ମନ୍ଦିର ସମ୍ପୂର୍ଣ ରୂପେ ଖାଁ ଖାଁ ଲାଗୁଛି ।

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ