କଟକ: କାର୍ଯ୍ୟାଳୟରେ ଅଗ୍ନିକାଣ୍ଡ ଘଟିଲେ କ'ଣ ରହିବ ପ୍ରାଥମିକ ପଦକ୍ଷେପ ? କିପରି ନିଆଁକୁ କରାଯିବ ଆୟତ୍ତ ? ଏନେଇ କଟକ ମହାନଗର ନିଗମ ପକ୍ଷରୁ ଆରମ୍ଭ ହୋଇଯାଇଛି ମକଡ୍ରିଲ କାର୍ଯ୍ୟକ୍ରମ । ସିଏମସି ଓ ୟୁଏନଡିପି (ୟୁନିଆଇଟେଡ ନେସନ ଡେଭଲପମେଣ୍ଟ ପ୍ରୋଗ୍ରାମ) ପକ୍ଷରୁ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଛି ।
ସିଏମସିରେ ମକ ଡ୍ରିଲ
ଅଗ୍ନିଶମବାହିନୀ, ଓଡ୍ରାଫ ଟିମ ମକଡ୍ରିଲ ମାଧ୍ୟମରେ ଦେଖାଇଥିଲେ କିପରି ନିଆଁ ଲାଗିଥିଲେ ତାକୁ ସଙ୍ଗେସଙ୍ଗେ ଲିଭାଯିବ । ଏଥିସହ ଲୋକଙ୍କୁ ବିପଦରୁ ସୁରକ୍ଷିତ ଉଦ୍ଧାର କରାଯିବ । ଏପରିକି ଆହତ ଲୋକଙ୍କୁ ଶୀଘ୍ର ଚିକିତ୍ସା ଯୋଗାଇବ ସେନେଇ ସିଏମସି ପକ୍ଷରୁ ମକଡ୍ରିଲ କରାଯାଇଛି । ସହରର 4ଟି ସ୍ଥାନରେ ଏହା ଆୟୋଜନ କରାଯାଇଥିଲା ।
ଏତତ୍ ବ୍ୟତୀତ ପ୍ରାକୃତିକ ଦୁର୍ବିପାକ ସମୟରେ କିପରି ଲୋକଙ୍କୁ ଉଦ୍ଧାର କରାଯାଇ ପାରିବ ସେନେଇ ପଟ୍ଟାପୋଲ ଓ କାଠଯୋଡି ବିହାରରେ ତଳିଆ ଅଞ୍ଚଳରେ ଡ୍ରିଲ କରାଯାଇଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
