କଟକ: ପ୍ରେମ ଓ ପୂର୍ବ ଶତ୍ରୁତାକୁ ନେଇ ଗଡ଼ିଲା ମୁଣ୍ଡ । ଗୋଟିଏ ପରିବାର 3 ଜଣଙ୍କୁ ନିର୍ମମ ଭାବରେ ପୋଡ଼ିଦେଲେ ଦୁର୍ବୃତ୍ତ । ଜଣଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି । ଏଭଳି ଘଟଣା ଘଟିଛି କଟକ 42 ମୌଜା ମଣିବାଡ଼ ଅଞ୍ଚଳରେ । ମୃତ ବ୍ୟକ୍ତି ହେଉଛନ୍ତି ରମେଶ ମଲ୍ଲିକ।
ପ୍ରେମ ଓ ପୂର୍ବ ଶତ୍ରୁତାକୁ ଘରେ ନିଆଁ ଲଗାଇଦେଲେ ଦୁର୍ବୃତ୍ତ, ଜଣେ ମୃତ
ସୂଚନା ଅନୁଯାୟୀ ଗତ ଶୁକ୍ରବାର ରାତିରେ ରମେଶ ତାଙ୍କ ସ୍ତ୍ରୀ ଓ ପୁଅ ଘରେ ସମସ୍ତେ ଶୋଇଥିବା ବେଳେ ଘରର ସମ୍ନା ପଟୁ କବାଟ ରେ ତାଲା ପକାଇ କେହି ଦୁର୍ବୁତ୍ତ ନିଆଁ ଲଗାଇ ଦେଇଥିଲେ । ଯାହା ଫଳରେ 3 ଜଣଙ୍କୁ ସ୍ଥାନୀୟ ଲୋକେ ଅର୍ଧଦଗ୍ଧ ଅବସ୍ଥା ରେ ଉଦ୍ଧାର କରି ଏସିବି ବଡ଼ ମେଡିକାଲକୁ ପଠାଇ ଥିଲେ ।
ଗତକାଲି ରାତିରେ ରମେଶ ଙ୍କ ମୃତ୍ୟୁ ଘଟିଛି। ଏହି ଘଟଣା ପୂର୍ବ ଶତ୍ରୁତା ଓ ପ୍ରେମ ବିବାଦକୁ ନେଇ ହୋଇଥିବା ଅଭିଯୋଗ କରିଛନ୍ତି ପରିବାର ଲୋକେ । ତେବେ ଘଟଣାରେ ଶୀଘ୍ର କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ପରିବାର ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
