କଟକ: ଭାରତର ଇତିହାସ ଭୁଲ । ଯାହା କିଛି ଲେଖା ଯାଇଛି ତାହାର କୌଣସି ସତ୍ୟତା ନାହିଁ । ଯିଏ ଏହି ମିଥ୍ୟା ଇତିହାସ ଲେଖିଛି ତା ଉଦ୍ଦେଶ୍ୟ ସ୍ପଷ୍ଟ ବାରି ହୋଇପଡୁଛି । ଯିଏ ବି ଲେଖିଛି ସେ ଇଂରେଜଙ୍କ ଠାରୁ ମୋଟା ଅଙ୍କର ଟଙ୍କା ନେଇଛି । ବ୍ରିଟିଶଙ୍କୁ ଚିରସ୍ଥାୟୀର ଆଖ୍ୟା ଦେବା ପାଇଁ ଏହି ଭୁଲ ଇତିହାସ ଲେଖିଛନ୍ତି ସେମାନେ । ତେବେ ଏହି ମହାନ ଭାରତର ଇତିହାସକୁ ପୁଣି ଥରେ ଲେଖିବାରେ ଯୋଜନା ଚାଲିଛି ବୋଲି କହିଛନ୍ତି କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ ।
ଏହାସହ ଭାଷାକୁ ନେଇ ଯେଉଁ ମନ୍ତବ୍ୟ ରହିଛି ତାହା ମଧ୍ୟ ଭୁଲ୍ । ସବୁ ଭାଷା ସଂସ୍କୃତରୁ ଆସିଛି । ତେଣୁ ଉତ୍ତର ଭାରତ ଓ ଦକ୍ଷିଣ ଭାରତ ଅଲଗା ବୋଲି ଯେଉଁ କୁହାଯାଉଛି ତାହା ଭୁଲ୍ ବୋଲି ମଧ୍ୟ କେନ୍ଦ୍ରମନ୍ତ୍ରୀ କହିଛନ୍ତି ।
ସେହିପରି ଆର୍ଯ୍ୟ ଓ ଦ୍ରାବିଡ ଥିଓରୀ ମଧ୍ୟ ଭୁଲ । ହିନ୍ଦୁ ଓ ଶିଖ ଅଲଗା ନୁହଁନ୍ତି ସମସ୍ତେ ଏକ । କାରଣ ଶାସ୍ତ୍ର କୁହେ ଗୁରୁ ନାନକ ହେଉଛନ୍ତି ହିନ୍ଦୁ। ତେବେ ଏହି ଇତିହାସ ଲେଖିବା ପଛରେ ସାମ୍ପ୍ରଦାୟିକ ଦଙ୍ଗାକୁ ଆବାହନ କରିବା ଛଡା କିଛି ନାହିଁ ବୋଲି କହିଛନ୍ତି କେନ୍ଦ୍ରମନ୍ତ୍ରୀ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
