କଟକ: କମିଶନରେଟ ପୋଲିସ ଟାର୍ଗେଟରେ ଲୁଟେରା ଗ୍ୟାଙ୍ଗ । ଗତକାଲି ସଦର ଅଞ୍ଚଳରୁ 2 ହାର୍ଡକୋର ହାଇୱେ ଲୁଟେରା ଗିରଫ ହୋଇଥିଲାବେଳେ ଆଜି ମର୍କତନଗର ଥାନା ହ୍ୟାଣ୍ଡକପରେ ଲୁଟେରା କିଙ୍ଗ ସନ୍ତୋଷ ନାୟକ ଓ ତାର ଦୁଇ ସାଥୀ ।
ଖବର ଅନୁସାରେ 28 ତାରିଖରେ ସିଡିଏ ଅଞ୍ଚଳରେ ଜ୍ୟୋତିର୍ମୟୀ ମଲିକଙ୍କ ଶାଶୁ ପ୍ରାତଃଭ୍ରମଣ କରୁଥିବାବେଳେ ଏକ ବାଇକରେ ଆସି ସନ୍ତୋଷ ଓ ତାର ସାଥୀ ଉକ୍ତ ମହିଳାଙ୍କଠୁ ଲୁଟ କରି ଫେରାର ହୋଇଯାଇଥିଲେ। ତେବେ ଏନେଇ ସ୍ଥାନୀୟ ଥାନାରେ ମାମଲା ହେଲା ପରେ ତଦନ୍ତ ଆରମ୍ଭ କରିଥିଲା ପୋଲିସ । ତେବେ ଆଜି ସନ୍ତୋଷ ଓ ଦୁଇ ସାଥୀ, ଭାଗିରଥି ସାହୁ ,ଆଲୋକ ନାୟକକୁ ଗିରଫ କରିବାରେ ସଫଳ ହୋଇଥିଲା ମର୍କତନଗର ଥାନା ପୋଲିସ । ଗିରଫ ଅଭିଯୁକ୍ତଙ୍କ ଠାରୁ ନଗଦ ଟଙ୍କା,ଦାମୀ ମୋବାଇଲ ଓ ସୁନା ଚେନ ଜବତ କରିଛି ପୋଲିସ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
