କଟକ: ରାଜ୍ୟରେ ଆରମ୍ଭ ହୋଇଛି ମୌସୁମୀ ଜନିତ ବର୍ଷା । ଗୋଟେପଟେ ଏହା କୃଷକ ମାନଙ୍କ ପାଇଁ ବେଶ ଲାଭ ଦାୟକ ହୋଇଥିଲା ବେଳେ ଅନ୍ୟପଟେ କଟକବାସୀଙ୍କ ପାଇଁ ବଡ଼ ଅସୁବିଧାର ସମୟ । କାରଣ ବର୍ଷା ହେବା କ୍ଷଣି ରାସ୍ତା ଉପରେ ଲହଡି ମାଡରେ ଆଣ୍ଠୁଏ ଉଚ୍ଚର ପାଣି । ଆଉ ଜନ ଜୀବନ ବାଧା ପ୍ରାପ୍ତ ହୋଇଥାଏ । ପ୍ରତିବର୍ଷ ପରି ଏହି ବର୍ଷ ମଧ୍ୟ ମୌସୁମୀ ଆସି ସାରିଛି । ଯାହାକୁ ନେଇ କଟକ ବାସିନ୍ଦାଙ୍କ ମନରେ ଏକ ପ୍ରକାର ଭୟ ଆସିଯାଇଛି । ଗୋଟେପଟେ ଜାଇକା କାମ ସରିନି ଅନ୍ୟପଟେ ପୁଣି କୃତ୍ରିମ ବନ୍ୟା ।
ଅନ୍ୟପଟେ ଚଳିତ ମୌସୁମୀ ଜନିତ ବର୍ଷା କଟକର କିଛି ଅସୁବିଧା କରିବନି ବୋଲି ସ୍ପଷ୍ଟ କରିଛନ୍ତି ଜିଲାପାଳ । ସମସ୍ତ ନାଳ ବଡ଼ ନାଳ ସଫା କରିବା ପାଇଁ ନିର୍ଦେଶ ଦିଆ ସରିଛି, ଏହାଛଡା ଜାଇକା କାମ ତ୍ୱରିତ ଡ଼ଙ୍ଗରେ ଶେଷ ମଧ୍ୟ ହେଉଛି । ଯେଉଁଟି ଖାଲ ରହିଛି ସେଠି ମାଟି ବାଲି ପକାଇ ମଧ୍ୟ ସମତୁଲ ହେଉଛି । ତେବେ ଲୋକ ମାନେ ଏହି ଚଳିତ ମୌସୁମୀ ବର୍ଷାରେ ହଇରାଣ ହେବେନି ବୋଲି କହିଛନ୍ତି ଜିଲାପାଳ ଭବାନୀ ଶଙ୍କର ଚୟିନୀ । ଏହାସହ ଜିଲ୍ଲାପାଳଙ୍କ ସହ ସ୍ୱର ମିଶାଇଛନ୍ତି କଟକ ବାରଵାଟି ବିଧାୟକ ମହମ୍ମଦ ମୋକିମ । ବର୍ଷା ଆସିବା ପୂର୍ବରୁ ଆମେ ସତର୍କ ରହିଛୁ । ତଳିଆ ଅଞ୍ଚଳ ପାଇଁ ମଟର ବ୍ୟବସ୍ଥା କରାଯାଇଛି ଏହାଛଡା ଡ୍ରେନ ମଧ୍ୟ ଅଧା ର ଅଧିକ ସଫା ହେଉଛି ଯାହାଦ୍ୱାରା ବର୍ଷା ଜଳ ଡ୍ରେନ ରେ ପ୍ରବାହିତ ହେବ । ମୋଟାମୋଟି ଭାବରେ କହିବାକୁ ଗଲେ ଚଳିତ ମୌସୁମୀ ରେ କଟକିଆ ହେବନି ପ୍ରଭାବିତ ।
କୁହାଯାଇଥାଏ ବର୍ଷା ଦିନ ଆସିଲେ ସିଲଭରସିଟି କୁ ଲାଗେ ଭୟ । କାରଣ ଡ୍ରେନ ପାଣି ମିଶା ବର୍ଷା ଜଳ ରାସ୍ତା ଉପରେ ଲହଡି ମାରେ । ଆଉ ଏଥରକ ର ବୋଝ ଉଉପରେ ନଳିତା ବିଡା କାରଣ ଯାଇକା କାମ ଶେଷ ହେଉନି କେଉଁଟି ଖାଲ ଯଦି ରହିଯାଏ ତେବେ ଜୀବନ ଯିବା କଥା କୁ ମଧ୍ୟ ଅସ୍ବୀକାର କରିହେବନି । ତେବେ ଦେଖିବାକୁ ବାକି ସତରେ କଣ କଟକିଆଙ୍କ ଦୁଃଖ ଲାଘବ ହେବ ନା ସେଇ ବୋଝ ପୁଣି ଲଦି ହୋଇଯିବ ।
କଟକ ରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
