କଟକ: ଆନ୍ତଃରାଜ୍ୟ ଡକାୟତ ଗ୍ୟାଙ୍ଗକୁ ଧରିଲା ମାଲଗୋଦାମ ଥାନା ପୋଲିସ । ବଡ଼ ଧରଣର ଡକାୟତି ଉଦ୍ୟମକୁ ପଣ୍ଡ କଲା ପୋଲିସ । ଧରାହେଲା ଆନ୍ତଃରାଜ୍ୟ ଡ଼କାୟତ ଗ୍ୟାଙ୍ଗ । ଡକାୟତି ଯୋଜନା କରୁଥିବାବେଳେ ଧରିଲା ମାଲଗୋଦାମ ପୋଲିସ ।
ଅନ୍ତଃରାଜ୍ୟ ଗ୍ୟାଙ୍ଗକୁ ଧରିଲା ମାଲଗୋଦାମ ପୋଲିସ,ବଡ଼ଧରଣର ଡକାୟତି ଯୋଜନା ପଣ୍ଡ
କଟକ କମିଶନରେଟ ପୋଲିସ ଅଧିନ ମାଲଗୋଦାମ ଥାନାକୁ ବଡ଼ ସଫଳତା । ବିଭିନ୍ନ ଦେଶୀ ହତିଆର କଟୁରି,ଛୁରୀ ସହିତ,ଜବତ ହୋଇଛି ଲଙ୍କାଗୁଣ୍ଡ । ଲଙ୍କାଗୁଣ୍ଡ ଆଖିରେ ପକାଇ କରୁଥିଲେ ଡକାୟତି । ଡ଼କାୟତଙ୍କ ପାଖରୁ ଜବତ ହୋଇଛି 4ଟି ମୋବାଇଲ ସହିତ 4 ଟି ବାଇକ । ସେହିପରି ୫ ଡକାୟତଙ୍କ ନିକଟରୁ 2760 ଟଙ୍କା ମଧ୍ୟ ଜବତ ହୋଇଛି । ଗିରଫ ହୋଇଥିବା ଡକାୟତମାନେ ହେଉଛନ୍ତି ତୁଳସିପୁରର ଏସ କେ ତାଜୁ ଅଲି, ଜୋବ୍ରାର ରାକେଶ ନାୟକ,ବିଜୟ ରାଓ,ମିଲନ ଲେଙ୍କା ଓ ସୁବାଷ ସେଠି । ଏମାନଙ୍କ ନାମରେ ବିଡାନାସୀ, ମାଲଗୋଦାମ, ଚାଉଳିଆଗଞ୍ଜ, ଜଗତପୁର ଆଦି ଥାନାରେ 38ରୁ ଊର୍ଦ୍ଧ୍ବ ମାମଲା ରହିଛି ବୋଲି ଏସିପି ଅମରେନ୍ଦ୍ର ପଣ୍ଡା କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
