କଟକ: ସିଲଭର ସିଟି କଟକରେ ଆରମ୍ଭ ହେଲା ଇଣ୍ଡିଆନ ନ୍ୟାସନାଲ ବାସ୍କେଟବଲ ଲିଗ୍(Indian national basketball league) । 114ଟି ଟିମ୍ ଏହି ଲିଗରେ ଅଂଶ ଗ୍ରହଣ କରୁଛନ୍ତି । 400ରୁ ଊର୍ଦ୍ଧ୍ବ ପୁରୁଷ ଓ ମହିଳା ଖେଳାଳି ଏହି ମେଗା ପ୍ରତିଯୋଗିତାରେ ଭାଗ ନେଉଛନ୍ତି । ମୋଟ 4ଟି କ୍ୟାଟାଗୋରୀରେ ଖେଳାଯିବ ସମସ୍ତ ମ୍ୟାଚ । ଏହି ଜାତୀୟସ୍ତରୀୟ ମୁକାବିଲା ଆଜିଠୁ ଆରମ୍ଭ ହୋଇ 27ରେ ଶେଷ ହେବ ।
କଟକରେ ଆରମ୍ଭ ହେଲା ଇଣ୍ଡିଆନ ନ୍ୟାସନାଲ ବାସ୍କେଟବଲ ଲିଗ୍
ଭାରତୀୟ ବାସ୍କେଟବଲ୍ ସଙ୍ଘ ପକ୍ଷରୁ ଏହା ପ୍ରଥମ ଥର ଆୟୋଜିତ ହୋଇଛି । ଓଡିଶାରେ ମଧ୍ୟ ଏହା ପ୍ରଥମଥର ପାଇଁ ଆୟୋଜନ କରାଯାଇଛି । ଓଡିଶାର ବିଭିନ୍ନ ଜିଲ୍ଲା ସହ ଆନ୍ଧ୍ରପ୍ରଦେଶ, ପଶ୍ଚିମବଙ୍ଗ, ଝାଡଖଣ୍ଡ, ପଞ୍ଜାବରୁ ଖେଳାଳି ଏହି ପ୍ରତିଯୋଗିତାରେ ଭାଗ ନେଉଛନ୍ତି । ତେବେ ଏହି ମେଗା ଇଭେଣ୍ଟରେ ଯେଉଁ ଖେଳାଳି ଭଲ ପ୍ରଦର୍ଶନ କରିବେ ସେମାନଙ୍କୁ ଆସନ୍ତା ଅଲମ୍ପିକ ପାଇଁ ଭାରତୀୟ ବାସ୍କେଟବଲ ସଂଘ ଚୟନ କରିବ ବୋଲି ରାଜ୍ୟ ବାସ୍କେଟବଲ ସଂଘ ସମ୍ପାଦକ ସୂଚନା ଦେଇଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
