କଟକ: ଲକଡାଉନ ଅବଧି ବୃଦ୍ଧି ପରେ ହାଇକୋର୍ଟରେ ମାମଲା ଶୁଣାଣି କଟକଣା ମଧ୍ୟ ବୃଦ୍ଧି କରାଯାଇଛି। ଆସନ୍ତା ମେ ୧ ତାରିଖ ପର୍ଯ୍ୟନ୍ତ ଭିଡିଓ କନଫରେନସିଂ ଜରିଆରେ ହାଇକୋର୍ଟରେ ଜରୁରୀ ମାମଲା ଶୁଣାଣି କରାଯିବ। ଗୋଟିଏ ଲେଖାଏଁ କାର୍ଯ୍ୟ ଦିବସ ଅନ୍ତରରେ ଅର୍ଥାତ ଏପ୍ରିଲ ୧୭, ୨୦, ୨୨, ୨୪ ଓ ମେ ୧ ତାରିଖରେ ହାଇକୋର୍ଟ ରେ ଶୁଣାଣି ହେବ।
ଗୋଟିଏ ଖଣ୍ଡପୀଠ ଓ ଦୁଇଜଣ ସିଙ୍ଗଲ ଜଜ୍ ପୃଥକ ପୃଥକ ଭାବେ ମାମଲାର ଶୁଣାଣି କରିବେ ବୋଲି ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଏନେଇ ହାଇକୋର୍ଟ ରେଜିଷ୍ଟ୍ରାର ପକ୍ଷରୁ ବିଜ୍ଞପ୍ତି ଜାରି କରାଯାଇଛି। ତେବେ ସରକାରୀ ଛୁଟି ଦିନ ବ୍ୟତୀତ ପୂର୍ବଭଳି ନୁଆ ମାମଲା ରୁଜୁ ପାଇଁ ଦିନ ସାଢେ ୧୦ ଟାରୁ ଅପରାହ୍ନ ଗୋଟିଏ ପର୍ଯ୍ୟନ୍ତ କାଉଣ୍ଟର ଖୋଲା ରହିବ। କାଉଣ୍ଟରରେ ଯେପରି ସାମାଜିକ ଦୂରତର କଟକଣା ଉଲଂଘନ ନହୁଏ ସେଥିପାଇଁ ଆବଶ୍ୟକ ସୁରକ୍ଷାକର୍ମୀ ମୁତୟନ କରାଯିବ ।
କଟକରୁ ନାରାୟଣ ସାହୁ, ଇଟିଭି ଭାରତ
