ବଢିଲା ବସ ଭଡା: ଜାଣନ୍ତୁ କେତେ ଥିଲା, କେତେ ହେଲା ?

ସାଧାରଣ ଓ ଏକ୍ସପ୍ରେସରେ ୩ ପଇସା ଏବଂ ଡିଲକ୍ସ ଓ ଏସି ଡିଲକ୍ସରେ ୬ ପଇସା ବୃଦ୍ଧି ପାଇଛି। ଡିଜେଲଦର ବୃଦ୍ଧି ପରେ ଏହି ଭଡା ବୃଦ୍ଧି ହୋଇଛି । ଅଟୋମେଟିକ ମେକାନିଜିମ ମାଧ୍ୟମରେ ଏହି ଭଡା ବୃଦ୍ଧି ହୋଇଛି ।

କଟକ: ପୁଣି ବଢ଼ିଲା ବସ ଭଡା । ସାଧାରଣ ଓ ଏକ୍ସପ୍ରେସରେ ୩ ପଇସା ଏବଂ ଡିଲକ୍ସ ଓ ଏସି ଡିଲକ୍ସରେ ୬ ପଇସା ବୃଦ୍ଧି ପାଇଛି । ଡିଜେଲଦର ବୃଦ୍ଧି ପରେ ଏହି ଭଡା ବୃଦ୍ଧି ହୋଇଛି । ଅଟୋମେଟିକ ମେକାନିଜିମ ମାଧ୍ୟମରେ ଏହି ଭଡା ବୃଦ୍ଧି ହୋଇଛି । ସାଧାରଣ ୬୭ ପଇସାରୁ ବଢି ୭୦ ପଇସା ହୋଇଛି।

ଏକ୍ସପ୍ରେସ କିଲୋମିଟର ପିଛା ୭୦ ପାଇସାରୁ ୩ ପଇସା ବଢି ୭୩ ପଇସା ହୋଇଛି। ଡିଲକ୍ସ ବସ ଭଡା ୯୫ ପଇସାରୁ ୧ ଟଙ୍କା ୧ ପଇସା ହୋଇଥିବାବେଳେ ଏସିଡିଲକ୍ସ ଭଡା ୧ ଟଙ୍କା ୧୭ ପଇସାରୁ ବୃଦ୍ଧି ପାଇ ୧ ଟଙ୍କା ୨୩ ପଇସାରେ ପହଞ୍ଚିଥିବା ଘରୋଇ ବସ ମାଲିକ ସଙ୍ଘ ସମ୍ପାଦକ ଦେବେନ୍ଦ୍ର ସାହୁ ସୂଚନା ଦେଇଛନ୍ତି।କଟକରୁ ନାରାୟଣ ସାହୁ, ଇଟିଭି ଭାରତ