କଟକ: ଆତ୍ମସମର୍ପଣ ପରେ ବିସ୍ଫୋରକ ପ୍ରତିକ୍ରିୟା ରଖିଲା ୟାକୁବ ଖାଁ ଓରଫ ସାଲୁ । ହାଇଦରକୁ ବିରିୟାନୀ ଦେବାରେ ସହଯୋଗ କରିଥିବା ସେ ସ୍ବୀକାର କରିଛି । ସେ ହାଇଦରର ସହଯୋଗୀ ନୁହେଁ କି ହାଇଦାର କେଉଁଠି ଅଛି ସେନେଇ କୌଣସି ଖବର ତା ପାଖରେ ନଥିବା କହିଛି ।
ଆଜି କଟକ ଚାଉଳିଆଗଞ୍ଜ ଥାନାରେ ହାଇଦରର ସହଯୋଗୀ କୁହାଯାଉଥିବା ୟାକୁବ ଖାଁ ଓରଫ ସାଲୁ ଆତ୍ମସମର୍ପଣ କରିଛି । ପୋଲିସ ତାକୁ କଡା ସୁରକ୍ଷାରେ ରଖିଛି । ବର୍ତ୍ତମାନ ହାଇଦର କେଉଁଠି ଓ କିପରି ସହଯୋଗ କରିଥିଲା ସେନେଇ ବଛା ବଛା ପୋଲିସ ଅଫିସର ତାକୁ ପଚାର ଉଚରା କରିବେ । ହାଇଦର କିପରି ଫେରାର ହେଲା ଓ ଏଥରେ ଅନ୍ୟ କେହି ସାମିଲ ହୋଇଥିଲେ ? ଏହା ସହ ବିରିୟାନୀ କେଉଁଠୁ ଆସିଥିଲା ଓ ସେଥିରେ କଣ ମିଶିଥିଲା ତାକୁ ମଧ୍ୟ ପଚରାଯିବ ।
ଶନିବାର କଟକ ଏସସିବି ମେଡିକାଲରୁ ଅପରାଧୀ ହାଇଦର ଫେରାର ହୋଇଛି । ଏସସିବି ସର୍ଜରୀ ନମ୍ବର କ୍ୟାବିନରେ ଚିକିତ୍ସିତ ହେଉଥିବା ସମୟରେ ଚମ୍ପଟ ମାରିଥିବା ସୂଚନା । କିଛି ଦିନ ପୂର୍ବେ ଏସସିବି ଆସି ଚିକିତ୍ସିତ ହେଉଥିଲା ଗ୍ୟାଙ୍ଗଷ୍ଟର ହାଇଦର । ହାଇଦର, ନିୟୋଜିତ ହୋଇଥିବା ସୁରକ୍ଷାକର୍ମୀଙ୍କୁ ନିଶା ଖୁଆଇ ଫେରାର ହୋଇଥିବା ସୂଚନା ମିଳିଥିଲା ।
କଟକରୁ ନାରାୟଣ ସାହୁ, ଇଟିଭି ଭାରତ
