କଟକ: ବହୁଚର୍ଚ୍ଚିତ ପାଟଣାଗଡ ପାର୍ସଲ ବୋମା ବିସ୍ଫୋରଣକୁ ନେଇ ନିର୍ମିତ ଚଳଚ୍ଚିତ୍ର ମାମଲାର ଶୁଣାଣିରେ ହାଇକୋର୍ଟ ପୂର୍ଣ୍ଣଚ୍ଛେଦ ପକାଇଛନ୍ତି । ସେନସର ବୋର୍ଡ ଏହା ଉପରେ ନିଷ୍ପତ୍ତି ନେବ ବୋଲି ହାଇକୋର୍ଟ ଦର୍ଶାଇଛନ୍ତି ।
ଏହି ଚଳଚ୍ଚିତ୍ର ନିର୍ମାଣ ଉପରେ ଆପତ୍ତି ଉଠାଇଥିବା ଅଭିଯୁକ୍ତ ପୁଞ୍ଜିଲାଲ ମେହେରଙ୍କ ପତ୍ନୀ ସୌଦାମିନୀ ମେହେରଙ୍କୁ କୋର୍ଟ ସେନସର ବୋର୍ଡ ନିକଟରେ ଆପତ୍ତି କରିବାକୁ କହିଛନ୍ତି । ଏହା ସହ ସେନସର ବୋର୍ଡ, ସୌଦାମିନୀଙ୍କୁ ଏହି ପ୍ରସଙ୍ଗରେ ପକ୍ଷ ରଖିବାକୁ ସୁଯୋଗ ଦେବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି । ଜଷ୍ଟିସ ସି.ଆର ଦାସଙ୍କୁ ନେଇ ଗଠିତ ଖଣ୍ଡପୀଠ ଏହି ରାୟ ଶୁଣାଇଛନ୍ତି ।
ତେବେ ଶୁଣାଣି ସମୟରେ ଚଳଚ୍ଚିତ୍ର ପ୍ରଯୋଜକ ଓ ଓଡିଶା ଫିଲ୍ମ ଡେଭଲ୍ପମେଣ୍ଟ କର୍ପୋରେସନ ନିଜର ପକ୍ଷ ରଖିଥିଲେ ।
କଟକରୁ ନାରାୟଣ ସାହୁ, ଇଟିଭି ଭାରତ
