କଟକ: ଦିପୁ ଓ ଓମ ହତ୍ୟା ମାମଲା । ଆଜି କୋର୍ଟରେ ହାଜର ହେଲେ ଡି ବ୍ରଦର୍ସ(D-Brothers) ସୁଶୀଲ ଓ ସୁଶାନ୍ତ ଧଳସାମନ୍ତ । କଡା ସୁରକ୍ଷା ବଳୟ ମଧ୍ୟରେ ଉଭୟଙ୍କୁ କଟକ ଜିଲ୍ଲା ଓ ଦୌରାଜଜ୍ କୋର୍ଟରେ ହାଜର କରାଯାଇଛି । ଗତକାଲି ଏହି ମାମଲା କୋର୍ଟରେ ଶୁଣାଣି ହେବାର ଥିଲା, ମାତ୍ର କୋର୍ଟ ରେଫେରାନ୍ସ ହୋଇଥିବାରୁ ଆଜି ଏହାର ଶୁଣାଣି କରାଯିବ । ସୋମବାର ବଡ଼ଭାଇଙ୍କୁ ସୁଶାନ୍ତ ଧଳସାମନ୍ତଙ୍କୁ ଚୌଦ୍ୱାର ଜେଲ୍ ଓ ସାନ ଭାଇ ଶୁସିଲ ଧଳସାମନ୍ତଙ୍କୁ ଝାରପଡା ଜେଲରେ ରଖାଯାଇଥିଲା ।
ଏହି ମାମଲାରେ ଆଜି ସାକ୍ଷଗ୍ରହଣ କରାଯିବ । ତତ୍କାଳୀନ ଥାନାଧିକାରୀ ତଥା ତଦନ୍ତକାରୀ ଅଧିକାରୀ ଅଜୟ ଦାସଙ୍କ ସାକ୍ଷଗ୍ରହଣ କରାଯିବ । ତେବେ ଗତକାଲି ଏହି ପ୍ରକ୍ରିୟା ଅଧା ରହିଥିଲା । ବହୁ ଚର୍ଚ୍ଚିତ ଖୁଣ୍ଟକଟା ଫାର୍ମ ହାଉସରେ ଦିପୁ ଓ ଓମଙ୍କୁ ପିଟି ପିଟି ହତ୍ୟା କରାଯିବା ପରେ ସେମାନଙ୍କ ମୃତଦେହ ଝାଡ଼ଖଣ୍ଡରେ ପୋଡି ଦେଇଥିବା ଅଭିଯୋଗ ହୋଇଥିଲା । ଏହି ଘଟଣାରେ ତତ୍କାଳୀନ ଚାଉଳିଆଗଞ୍ଜ ଥାନାଧିକାରୀ ଘଟଣାର ତଦନ୍ତ କରୁଥିଲେ । ତେବେ ଦିପୁ ଓମ ହତ୍ୟା ଘଟଣାରେ ଏହା ଶେଷ ସାକ୍ଷଗ୍ରହଣ ବୋଲି ଜଣାପଡିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
