କଟକ: ଏସସିବିରେ ଭର୍ତ୍ତି ହେଲେ ଓସିଏର ପୂର୍ବତନ ସମ୍ପାଦକ ଆଶୀର୍ବାଦ ବେହେରା । କାଜୁଆଲିଟିର ତୃତୀୟ ମହଲାରେ ତାଙ୍କୁ ଭର୍ତ୍ତି କରାଯାଇଛି । ଅସୁସ୍ଥତା କାରଣରୁ ଆଶୀର୍ବାଦ କ୍ୟାପିଟାଲ ହସ୍ପିଟାଲରେ ଚିକିତ୍ସିତ ହେଉଥିଲେ । ଅର୍ଥତତ୍ତ୍ବ ଠକେଇ ମାମଲାରେ ଚଳିତ ମାସ 18 ତାରିଖରେ ସିବିଆଇ ବେହେରାଙ୍କୁ ନିଜ ବାସଭବନରୁ ଗିରଫ କରି କୋର୍ଟଚାଲାଣ କରିଥିଲା । ଏହାର ପରଦିନ ସେ ଅସୁସ୍ଥ ହୋଇପଡିଥିଲେ । ପ୍ରଥମେ ତାଙ୍କୁ ଜେଲ ହସ୍ପିଟାଲ ଓ ପରେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା କଟକ
ତାଙ୍କ ନିତମ୍ବରେ ଅସ୍ତ୍ରୋପଚାର କରାଯାଇଥିବା ଜଣାପଡିଛି । ସେଥିପାଇଁ ସେ ଚାଲି ପାରୁନାହାଁନ୍ତି । ଆଶୀର୍ବାଦଙ୍କର ଉଚ୍ଚ ରକ୍ତଚାପ ମଧ୍ୟ ରହିଛି । ତେବେ ରାତି ପାହିଲେ ଓସିଏ ନିର୍ବାଚନ । କଟକ ଏସସିବି ମେଡିକାଲକୁ ଆଶୀର୍ବାଦ ସ୍ଥାନାନ୍ତରିତ ହେବାପରେ ଶୁକ୍ରବାର ମତଦାନ ପ୍ରକ୍ରିୟାରେ ସେ ଭାଗ ନେବେ ନାହିଁ ସେ ନେଇ ଚର୍ଚ୍ଚା ଜୋର ଧରିଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
