କଟକ: ପୂର୍ବତନ ବିଧାୟକ ପ୍ରଭାତ ବିଶ୍ବାଳଙ୍କ ଘରେ ଚୋରି ମାମଲାର ଦୁଇ ଅଭିଯୁକ୍ତ ଗିରଫ । ଏନେଇ କଟକ ଜୋନ ୧ ଏସିପି ଅମରେନ୍ଦ୍ର ପଣ୍ଡା ସୂଚନା ଦେଇଛନ୍ତି ।
ପ୍ରଭାତ ବିଶ୍ବାଳଙ୍କ ବାସଭବନରୁ ଚୋରି ମାମଲାରେ ଦୁଇ ଅଭିଯୁକ୍ତ ଗିରଫ
ସୂଚନାଅନୁଯାୟୀ ଗତ ଅକ୍ଟୋବର ୯ ତାରିଖ ଦିନ କଟକ ଚୌଦ୍ବାରର ପୂର୍ବତନ ବିଧାୟକ ପ୍ରଭାତ ବିଶ୍ବାଳଙ୍କ ମହାନଦୀ ବିହାର ସ୍ଥିତ ବାସଭବନରୁ ଚୋରି ହୋଇଥିଲା । ଏନେଇ ଚାଉଳିଆଗଞ୍ଜ ପୋଲିସ ଥାନାରେ ଅଭିଯୋଗ ହୋଇଥିଲା । ଏହି ଅଭିଯୋଗ ଆଧାରରେ ପୋଲିସ ଦୁଇ ଜଣଙ୍କୁ ଗିରଫ କରିଛି ପୋଲିସ। ଦୁଇ ଅଭିଯୁକ୍ତ ହେଲେ ଶିବୁ ଓରଫ ଅନୀଲ ପରାମିକା ଓ ଦିପୁ ଓରଫ ଦୀପକ ସାହୁ।
ସେମାନଙ୍କ ଠାରୁ ଚୋରି ହୋଇଥିବା ଗୋଟିଏ ଲାପଟପ ଜବତ ହୋଇଛି। ପେଶାରେ ରଙ୍ଗମିସ୍ତ୍ରୀ ଥିବା ଦୁଇ ଅଭିଯୁକ୍ତ କିଛି ଦିନ ହେଲା ମହାନଦୀ ବିହାର ଅଞ୍ଚଳରେ ରଙ୍ଗ କାମ କରୁଥିଲେ। ଗତ ଅକ୍ଟୋବର 9 ତାରିଖ ରାତିରେ ଏହି ଦୁଇ ଜଣ ଅଭିଯୁକ୍ତ ପ୍ରଭାତ ବିଶ୍ବାଳଙ୍କ ଘରେ ପଶି ଲୁଟ କରିଥିଲେ।
କଟକରୁ ନାରାୟଣ ସାହୁ,ଇଟିଭି ଭାରତ
