କଟକ: କୋରୋନା ପାଇଁ ସାରା ଦେଶ ଲକଡାଉନ । ତେବେ ଏହି ଲକଡାଉନ ଫଳରେ ଅନେକ ଲୋକ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି । ବିଶେଷକରି ମେଡିକାଲ ଆସିଥିବା ରୋଗୀମାନେ ମଧ୍ୟ ଏହା ଦ୍ବାରା ପ୍ରଭାବିତ ହୋଇଛନ୍ତି । ଏହି ଅବସରରେ ଅସହାୟ ରୋଗୀଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି ପୂର୍ବତନ କଟକ ଚୌଦ୍ବାର ବିଧାୟକ ପ୍ରଭାତ ବିଶ୍ବାଳ ।
ଯେଉଁ ରୋଗୀମାନେ ମେଡିକାଲରୁ ଘରକୁ ଯିବା ପାଇଁ ସମସ୍ୟାର ସମ୍ମୁଖୀନ ହେଉଛନ୍ତି ତଥା ଯେଉଁ ମାନେ ଘରୁ ମେଡିକାଲ ଯିବାପାଇଁ ସମସ୍ୟାର ସମ୍ମୁଖୀନ ହେଉଛନ୍ତି ସେମାନଙ୍କୁ ମାଗଣାରେ ଆମ୍ବୁଲାନ୍ସ ସେବା ଯୋଗାଉଛନ୍ତି ପୂର୍ବତନ ବିଧାୟକ ପ୍ରଭାତ ବିଶ୍ବାଳ । କେବଳ କଟକ ନୁହେଁ ବରଂ ରାଜ୍ୟର ସମସ୍ତ ଜିଲ୍ଲାର ଅସହାୟ ରୋଗୀଙ୍କୁ ଏହି ସେବା ଯୋଗାଉଛନ୍ତି ପ୍ରଭାତ । ଆଜି ପର୍ଯ୍ୟନ୍ତ ୧୬ ଜଣ ରୋଗୀଙ୍କୁ ଏହି ଆମ୍ବୁଲାନ୍ସ ସେବା ଯୋଗାଇଥିବା ସେ କହିଛନ୍ତି । ୨ଟି ଟିମରେ ୮ ଜଣିଆ ସଦସ୍ୟ ଏହି ଆମ୍ବୁଲାନ୍ସ ସେବାରେ ନିୟୋଜିତ ରହିଥିବା ସେ ପ୍ରକାଶ କରିଛନ୍ତି । ଅନ୍ୟପଟେ ଏହି ସେବା ପାଇଁ ପ୍ରଭାତ ବିଶ୍ବାଳଙ୍କୁ କୃତଜ୍ଞତା ଜ୍ଞାପନ କରିଛନ୍ତି ରୋଗୀଙ୍କ ସମ୍ପର୍କୀୟ ।
କଟକରୁ ନାରାୟଣ ସାହୁ, ଇଟିଭି ଭାରତ
