କଟକ: ବେଧଡକ ଭାବରେ ଚାଲୁଥିଲା ନକଲି ଘିଅ ଓ ଟମାଟୋ ସସ ଗୋଦାମ।ଏମିତିକି ପୋଲିସ ବି ତାହାର ଟେର୍ ବି ପାଉ ନଥିଲା।ତେବେ ଆଜି ଶେଷରେ ପୋଲିସ ହାତରେ ଧରା ପଡିଯାଇଛି ଏହି ନକଲି ଗୋଦାମ।
ସୂଚନା ଅନୁଯାୟୀ କଟକରେ ଗୋଟିଏ ପିକଅପ ଗାଡ଼ିରେ ନକଲି ଘିଅ ଯାଉଥିବା ଖବର ପାଇଥିଲା ଚୌଦ୍ବାର ଥାନା ପୋଲିସ।ଏହାର ତଦନ୍ତ କରିବାକୁ ଯାଇ ଗାଡିକୁ ଜବତ କରିଥିଲା ପୋଲିସ। ଏହାର ସତ୍ୟାସତ୍ୟ ଜାଣିବାକୁ ଯାଇ ନକଲି ଗୋଦାମରେ ପହଞ୍ଚି ସାମଗ୍ରୀକୁ ଯାଞ୍ଚ କରାଯାଇଥିଲା। ତେବେ ଯାଞ୍ଚ ସମୟରେ ସମସ୍ତ ସାମଗ୍ରୀ ନକଲି ବୋଲି ପୋଲିସ ଜାଣିବାକୁ ପାଇଥିଲା।ତେବେ ଏହି ଘଟଣାରେ ସଂପୃକ୍ତ ଗୋଦାମ ମାଲିକକୁ ଗିରଫ କରିବା ସହ ଗୋଦାମକୁ ସିଲ କରିଛି ଚୌଦ୍ବାର ଥାନା ପୋଲିସ। ଏଥିସହ ୧୪୪୮ ଲିଟର ନକଲି ଘିଅ,୨୬୦୦ ଲିଟର ନକଲି ଟମାଟୋ ସସ , ୨୬୬ ଲିଟର ନକଲି ଚିଲିସସ, ବ୍ୟବହୃତ ଏକ ପିକଅପ ଗାଡି, ଗୋଟିଏ ମେସିନ, ଗ୍ରାଏଣ୍ଡର କୁ ଜବତ କରିଛି ପୋଲିସ।
ଏପରି ଭାବରେ ନକଲି ସାମଗ୍ରୀ ପ୍ରସ୍ତୁତକରି ଅନେକ ଦୋକାନକୁ ନକଲି ସାମଗ୍ରୀ ଚାଲାଣ କରୁଥିବା କଟକ ଡିସିପି କହିଛନ୍ତି। ତେବେ ଗିରଫ ହୋଇଥିବା ଗୋଦାମ ମାଲିକ ଦିବ୍ୟ ଲୋଚନ ବେହେରା ବୋଲି ଜଣାପଡିଛି ।
କଟକରୁ ନାରାୟଣ ସାହୁ,ଇଟିଭି ଭାରତ
