କଟକ: ଜାତୀୟ ଆଇନ ବିଶ୍ୱବିଦ୍ୟାଳୟ ନିକଟରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତକ ଜଣକ ସିଡିଏ 7 ନମ୍ବର ଅଞ୍ଚଳର ନିରାକାର ବେତାଳ। ସେ ଜଣେ ଡେଲିଭରି ବୟ ଭାବେ କାମ କରୁଥିବା ଜଣାପଡ଼ିଛି।
ଡେଲିଭରି ବୟଙ୍କ ମୃତଦେହ ଉଦ୍ଧାର, ସଡ଼କ ଦୁର୍ଘଟଣାରେ ମୃୃତ୍ୟୁ ହୋଇଥିବା ପୋଲିସର ଅନୁମାନ
ଘଟଣା ସ୍ଥଳରେ ଫେଜ2 ଥାନା ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇଛି । ରାସ୍ତା କଡରେ ପଡିଥିବା ଖଣ୍ଡ ବିଖଣ୍ଡିତ ବାଇକ ଦେଖି ଏହା ଏକ ବଡ଼ ଦୁର୍ଘଟଣା ବୋଲି ପୋଲିସ ଅନୁମାନ କରୁଛି । ଗତକାଲି ରାତିରେ ଡେଲିଭରି ଦେବା ପାଇଁ ଯିବା ସମୟରେ ଅଜଣା ଗାଡି ଧକ୍କା ଦେଇଥିବା ପୋଲିସ କହିଛି । ଦୁର୍ଘଟଣା ଘଟାଇଥିବା ଗାଡିର କେତେକ ଯନ୍ତ୍ରାଂଶକୁ ଘଟଣା ସ୍ଥଳରୁ ଉଦ୍ଧାର କରି ତଦନ୍ତ ଚଳାଇଛି ପୋଲିସ । ଗତକାଲି ସନ୍ଧ୍ୟାରେ ନିରାକାର ନିଜ ମାଆଙ୍କ ସହିତ ମନ୍ଦିରକୁ ଯାଇଥିଲା । ମନ୍ଦିରରୁ ଫେରି ଖାଇବା ଡେଲିଭରି ଦେବାକୁ ଯାଇଥିଲା ବୋଲି ମୃତକଙ୍କ ବାପା କହିଛନ୍ତି । ସେପଟେ ମୃତକଙ୍କ ପରିବାର ଲୋକେ କ୍ଷତିପୂରଣ ପାଇଁ ଦାବୀ କରିଛନ୍ତି ।
ଇଟିଭି ଭାରତ, କଟକ
