କଟକ: ସୋମବାର ବଜ୍ରକବାଟି ଅଞ୍ଚଳରେ ଜଣେ ବ୍ୟବସାୟୀଙ୍କୁ ଛୁରା ମାଡ଼ ଘଟଣାରେ ପ୍ରତିକ୍ରିୟା ଦେଇଛନ୍ତି କଟକ ଡିସିପି ।
ପୂର୍ବଶତ୍ରୁତାକୁ ନେଇ ଏହି ଛୁରା ମାଡ଼ କରାଯାଇଥିବା ସ୍ପଷ୍ଟ କରିଛନ୍ତି କଟକ ଡିସିପି । ଏହି ଘଟଣାରେ ୩ ଜଣଙ୍କୁ ଚିହ୍ନଟ କରାଯାଇଛି । ବର୍ତ୍ତମାନ ସେମାନେ ଫେରାର ଅଛନ୍ତି । ଖୁବଶୀଘ୍ର ସେମାନଙ୍କୁ ଗିରଫ କରାଯିବ ବୋଲି ଡିସିପି କହିଛନ୍ତି । ତେବେ ସୋମବାର ବ୍ୟବସାୟୀ ଜଣଙ୍କୁ ଦୋକାନରୁ ବାହାରକୁ ଡାକି ନେଇ ମଦ ପିଆଇ ମଦ ବୋତଲ ଓ ଛୁରା ସାହାଯ୍ୟରେ ଆକ୍ରମଣ କରାଯାଇଥିବା ଡିସିପି କହିଛନ୍ତି ।
କଟକରେ ବ୍ୟବସାୟୀଙ୍କୁ ଛୁରା ମାଡ଼ ଘଟଣା: ପ୍ରତିକ୍ରିୟା ରଖିଲେ ଡିସିପି
ସୂଚନାଯୋଗ୍ୟ, ପୂର୍ବ ଶତ୍ରୁତାକୁ କେନ୍ଦ୍ରକରି ଜଣେ ବ୍ୟବସାୟୀଙ୍କୁ ସୋମବାର ଛୁରାମାଡ଼ କରାଯାଇଥିଲା । ତେବେ ଗୁରୁତର ଭାବରେ ତାଙ୍କୁ ଏସସିବିରେ ଚିକିତ୍ସିତ କରାଯାଉଥିବାବେଳେ ତାଙ୍କ ସ୍ବାସ୍ଥ୍ୟବସ୍ଥା ସ୍ଥିର ଥିବା ଜଣାପଡିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
