କଟକ: ମହଙ୍ଗା ପଡିଲା ଗ୍ୟାଙ୍ଗଷ୍ଟର ହାଇଦରକୁ ବିରିୟାନୀ ଯୋଗାଇବା । ଗିରଫ ହେଲା ୟାକୁବ ଖାନ ଓରଫ ସାଲୁ । ମଙ୍ଗଳବାଗ ଥାନାରେ ରୁଜୁ ହୋଇଥିବା ମାମଲା ଆଧାରରେ ଗିରଫ କରାଯାଇଛି । ଗତକାଲି ଆତ୍ମସମର୍ପଣ କରିଥିଲା ସାଲୁ ।
ଏସସିବି ମେଡିକାଲରେ ଚିକିତ୍ସିତ ଥିବା ସମୟରେ ହାଇଦରକୁ ଭେଟି ବିରିୟାନୀ ଦେଇଥିଲା ସାଲୁ । ଗତକାଲି ଆତ୍ମସମର୍ପଣ ସମୟରେ ସେ ନିଜେ ଏହାକୁ ସ୍ବୀକାର କରିଥିଲା । ବିରିୟାନୀ ନିଶାଦ୍ରବ୍ୟ ମିଶାଇ ଅଚେତ କରିବା ପରେ ହାଇଦର ଫେରାର ହୋଇଯାଇଥିଲା ।ଏନେଇ ହାଇଦରଙ୍କ ସୁରକ୍ଷାରେ ଥିବା ଜଣେ କନେଷ୍ଟବଳ ମାମଲା ରୁଜୁ କରିଥିଲେ ।
ଗତ ସୋମବାର ସାଲୁ ଚାଉଳିଆଗଞ୍ଜ ଥାନାରେ ଆତ୍ମସମର୍ପଣ କରିଥିଲା। ଅନେକ ପଚରାଉଚରା ପରେ ପୋଲିସ ସାଲୁ ନିକଟରୁ ଅନେକ ତଥ୍ୟ ସଂଗ୍ରହ କରିଛି। ଆଜି ସାଲୁକୁ କୋର୍ଟ ଚାଲାଣ କରାଯିବ ବୋଲି ଜଣାପଡିଛି।
କଟକରୁ ନାରାୟଣ ସାହୁ, ଇଟିଭି ଭାରତ
