କଟକ: କମିଶନରେଟ ପୋଲିସ ସ୍କାନରରେ କୁଖ୍ୟାତ ଅପରାଧୀ ଧଳସାମନ୍ତ । ଆଜି (ଗୁରୁବାର) ଧଳସାମନ୍ତ ଘରେ ପୋଲିସ ଅତର୍କିତ ଚଢ଼ାଉ କରିଥିଲା। ଚଢ଼ାଉ ବେଳେ ତାଙ୍କ ଘରୁ ୮ ଟି ବନ୍ଧୁକ ସମେତ ବିପୁଳ ପରିମାଣର ଗୁଳି ଜବତ କରିଛି। ଧଳସାମନ୍ତ ନାମରେ ବିଭିନ୍ନ ଥାନାରେ ହତ୍ୟା, ଲୁଟପାଟ ଓ ବଟି ଆଦାୟ ଭଳି ମାମଲା ରହିଛି।
କୁଖ୍ୟାତ ଅପରାଧୀ ଧଳସାମନ୍ତ ବାସ ଭବନରେ ପୋଲିସର ଚଢାଉ । ୮ ଟି ବନ୍ଧୁକ ସମେତ ବିପୁଳ ପରିମାଣର ଗୁଳି ଜବତ। କଟକ ଡିସିପିଙ୍କ ନେତୃତ୍ୱରେ ରେଡ଼ ଜାରି।
ଏହାପୂର୍ବରୁ ଧଳସାମନ୍ତର ବହୁ ସହଯୋଗୀଙ୍କୁ ଗିରଫ କରିଥିଲା ପୋଲିସ । ଗତ ଅଗଷ୍ଟ ମାସରେ ଦୁଇ ସହଯୋଗୀ ଗିରଫ ହୋଇଥିଲେ । ଦୁଇଜଣ ଅପରାଧିଙ୍କୁ ଦାଦାବଟି ମାଗିବା ସହ ଧଳସାମନ୍ତ ଗ୍ୟାଙ୍ଗରେ ସାମିଲ ହେବାକୁ ଯୁବକଙ୍କୁ ପ୍ରବର୍ତ୍ତାଉଥିଲେ।
ଗିରଫ ହୋଇଥିବା ଅଭିଯୁକ୍ତଙ୍କ ନିକଟରୁ ବିପୁଳ ପରିମାଣରେ ଅସ୍ତ୍ରଶସ୍ତ୍ର ଜବତ ହୋଇଥିଲା ।
କଟକରୁ ନାରାୟଣ ସାହୁ, ଇଟିଭି ଭାରତ
