କଟକ: ସବୁ ଓଡ଼ିଆଙ୍କ ପ୍ରିୟ ପଖାଳ । କଂସାଏ ପଖାଳରୁ ଆରମ୍ଭ ହୋଇଥାଏ ଓଡ଼ିଆଙ୍କ ଦିନ । ପଖାଳ ଓଡ଼ିଶା ଇତିହାସ ସହ ଜଡ଼ିତ ଥିବାରୁ ଏହାକୁ ଜିଆଇ ଟ୍ୟାଗ (GI TAG) ମାନ୍ୟତା ପାଇଁ କଟକବାସୀ ଦାବି କରିଛନ୍ତି ।
ପଖାଳକୁ GI ଟ୍ୟାଗ ମାନ୍ୟତା ପାଇଁ କଟକବାସୀଙ୍କ ଦାବି
ଜିଆଇ ଟ୍ୟାଗ ମାନ୍ୟତା ପ୍ରଦାନ ପାଇଁ କଟକର ସ୍ବେଚ୍ଛାସେବୀ ସଂଗଠନ ସମର୍ଥ ଓଡ଼ିଶା ପକ୍ଷରୁ ରାଷ୍ଟ୍ରପତିଙ୍କୁ ଚିଠି ଲେଖାଯାଇଛି । କେଉଁ ଅନାଦି କାଳରୁ ଓଡ଼ିଆଙ୍କର ପସନ୍ଦର ଖାଦ୍ୟ ହେଉଛି ପଖାଳ ଏବଂ ଓଡ଼ିଆ ଜାତିର ପାରମ୍ପରିକ ଖାଦ୍ୟ ଭାବରେ ମଧ୍ୟ ବେଶ ଜଣାଶୁଣା । ସେ ଧନୀ ହେଉ କି ଗରିବ ସମସ୍ତେ ପଖାଳ ବିନା ଅଧୁରା । ତେଣୁ ପଖାଳକୁ ଜିଆଇ ଟ୍ୟାଗ ମାନ୍ୟତା ମିଳିଲେ ଓଡ଼ିଆ ଜାତିର ଗୌରବ ଆହୁରି ବୃଦ୍ଧି ପାଆନ୍ତା ବୋଲି ଚିଠିରେ ଉଲ୍ଲେଖ ରହିଛି ।
ଇଟିଭି ଭାରତ, କଟକ
