କଟକ: ଖାନନଗର ନୂଆ ବସ ଟର୍ମିନାଲକୁ ନେଇ ବିଜେଡିରେ ବଢୁଛି ବିବାଦ । କଟକରେ ଗତକାଲି ସାଂସଦ ଭର୍ତ୍ତୃହରି ମହତାବ ଏହି ବଡ ପ୍ରକଳ୍ପ ସମ୍ପର୍କରେ ମୁହଁ ଖୋଲିଥିଲାବେଳେ ଏହାର ଜବାବ ଦେଇଥିଲେ ଜିଲ୍ଲା ବିଜେଡି ସଭାପତି ଦେବାଶିଷ ସାମନ୍ତରାୟ । ଯାହାର ପାଲଟା ଜବାବ ରଖିଛନ୍ତି ସାଂସଦ ।
ବସ ଟର୍ମିନାଲ
ଏ ସମ୍ପର୍କରେ ସାଂସଦ ଭର୍ତ୍ତୃହରି ମହତାବ କହିଛନ୍ତି, ‘ସରକାରୀ ସ୍ତରରେ ମତେ ଜଣାଯାଇନାହିଁ । ଯଦି ଦେବାଶିଷ ବାବୁଙ୍କୁ ଏହି କଥା ଜଣାଥିଲା, ତେବେ ମତେ କହିବାର ଆବଶ୍ୟକତା ଥିଲା । ହେଲେ ତାହା ଘଟିଲା ନାହିଁ । ମୁଁ ମୋ ପକ୍ଷରୁ ଖବର ପାଇଲି ।’
ସୂଚନାଥାଉକି, ଭୌଗଳିକ ଦୃଷ୍ଟିରୁ ଯେଉଁ ସ୍ଥାନରେ ଟର୍ମିନାଲ ହେଉଛି ତାହା ଅନୁପଯୁକ୍ତ ବୋଲି କହିଥିଲେ ସାଂସଦ । ଯାହାକୁ ନେଇ ପ୍ରତିକ୍ରିୟା ରଖିଥିଲେ ଦେବାଶିଷ ସାମନ୍ତରାୟ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
