କଟକ: ଅନଲାଇନରେ ଅଭିଯୋଗ ଗ୍ରହଣ କରିବେ କଟକ ଡିସିପି ପ୍ରତୀକ ସିଂ । ସୋସିଆଲ ମିଡିଆରେ ଅଭିଯୋଗ ଶୁଣିବା ସହ ପଦକ୍ଷେପ ଗ୍ରହଣ କରିବେ ।
ମହାମାରୀ କୋରୋନା ସମୟରେ କାର୍ଯ୍ୟାଳୟରେ ଭିଡ଼ ହେଉଥିବାରୁ ଏପରି ନିଷ୍ପତ୍ତି ନେଇଛନ୍ତି ଡିସିପି ପ୍ରତୀକ ସିଂ। ଏହାଦ୍ବାରା ଭିଡକୁ ଏଡାଇବା ସହ ଶୀଘ୍ର ଓ ସୁରକ୍ଷିତ ଭାବେ କାର୍ଯ୍ୟ ହେବା ନେଇ ସେ ଆଶାବାଦୀ ଅଛନ୍ତି ।
ଡିସିପିଙ୍କ କାର୍ଯ୍ୟାଳୟ ପକ୍ଷରୁ ଏକ ହ୍ବାଟ୍ସଆପ୍ ନମ୍ବର ଜାରି କରାଯାଇଛି । ଏହି ନମ୍ବରଟି ହେଉଛି 8763068167 । ଏହି ନମ୍ବରରେ ମେସେଜ ଓ ଯୋଗାଯୋଗ କରି ଗୁହାରି କରିପାରିବେ ସାଧାରଣ ଲୋକେ । ଯାହା ଦ୍ବାରା ସମସ୍ୟାର ସରଳ ସମାଧାନ ହେବା ନେଇ ସୂଚନା ଦେଇଛନ୍ତି କଟକ ଡିସିପି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
