କଟକ: ଦିନକୁ ଦିନ ବଢ଼ିବାରେ ଲାଗିଛି ଟ୍ରାଫିକ ସମସ୍ୟା । ପ୍ରତ୍ୟେକ ଦିନ ଆମେ ଟ୍ରାଫିକ ସମସ୍ୟାର ଶିକାର ହେଉଛୁ । ତେବେ ଟ୍ରାଫିକ ସମସ୍ୟାର ସମାଧାନ କରିବାକୁ ସହରରେ ଟ୍ରାଫିକ କର୍ମଚାରୀମାନେ କାର୍ଯ୍ୟରତ ଅଛନ୍ତି । କଟକ ସହରରେ ଆବଶ୍ୟକତା ଅନୁସାରେ ଟ୍ରାଫିକ କର୍ମଚାରୀ ନ ଥିବାରୁ ଷ୍ଟୁଡେଣ୍ଟ ଭଲ୍ୟୁଣ୍ଟିଅର ମାନଙ୍କୁ ନେଇ ଟ୍ରାଫିକ କାର୍ଯ୍ୟରେ ନିୟୋଜିତ କରାଯାଉଛି । ଏଥିପାଇଁ ଷ୍ଟୁଡେଣ୍ଟ ଭଲ୍ୟୁଣ୍ଟିଅର ମାନଙ୍କୁ କିଛି ପାରିଶ୍ରମିକ ମଧ୍ୟ ଦିଆଯାଉଛି । ଯାହା ଷ୍ଟୁଡେଣ୍ଟ ମାନଙ୍କୁ ସେମାନଙ୍କ ପାଠପଢିବାରେ ବେଶ ସହାୟକ ହେବ ଏବଂ ଟ୍ରାଫିକ ସମସ୍ୟା ମଧ୍ୟ କିଛି ପରିମାଣରେ ସୁଧାର ଆସିବ।
ତେବେ ଅନେକ ସମୟରେ ଷ୍ଟୁଡେଣ୍ଟ ଭଲ୍ୟୁଣ୍ଟିଅର ମାନେ ଯାତ୍ରୀ ମାନଙ୍କୁ ଖରାପ ବ୍ୟବହାର ମଧ୍ୟ କରିଥାନ୍ତି । ଏନେଇ ଅନେକ ଅଭିଯୋଗ ଆସିବା ପରେ ,ସେମାନଙ୍କୁ କମିଶନରେଟ ପୋଲିସ ପକ୍ଷରୁ ଟ୍ରେନିଂ ମଧ୍ୟ ଦିଆଯାଇଥାଏ । ସେମାନେ ପବ୍ଲିକରେ କିପରି ବ୍ୟବହାର କରିବେ ସେନେଇ ସେମାନଙ୍କୁ ଟ୍ରେନିଂ ଦିଆଯାଇଥାଏ । ତେବେ କଟକ ସହରରେ ୨୦୦ ଷ୍ଟୁଡେଣ୍ଟ ଭଲ୍ୟୁଣ୍ଟିଅର କାର୍ଯ୍ୟ କରୁଥିବା ନେଇ କଟକ ଡିସିପି ସୂଚନା ଦେଇଛନ୍ତି । ଟ୍ରାଫିକ କର୍ମଚାରୀ ମାନଙ୍କ ସହ ମିଶି ସେମାନେ କାର୍ଯ୍ୟ କରିଥାନ୍ତି । ଯାହା ଦ୍ବାରା ସହରରେ ଟ୍ରାଫିକ ସମସ୍ୟା ଦୂର ହୋଇଥାଏ।
ଇଟିଭି ଭାରତ,କଟକ
