କଟକ: ଚୌଦ୍ବାରରୁ ଗିରଫ ହେଲେ କୁଖ୍ୟାତ ମୋବାଇଲ ଲୁଟେରା ଗ୍ୟାଙ୍ଗ । ଦୀର୍ଘ ଦିନ ଧରି ଏହି ଗ୍ୟାଙ୍ଗ ଲୋକଙ୍କ ଠାରୁ ମୋବାଇଲ ଛିନତାଇ କରୁଥିଲେ । ଆଜି ଏହି ଗ୍ୟାଙ୍ଗକୁ ଧରିଛି କମିଶନରେଟ ପୋଲିସ ।
ଚୌଦ୍ୱାରରୁ ଗିରଫ ହେଲା କୁଖ୍ୟାତ ମୋବାଇଲ ଲୁଟେରା ଗ୍ୟାଙ୍ଗ
ଏହି ଗ୍ୟାଙ୍ଗର ମୁଖ୍ୟ ହେମନ୍ତ ଡୋରା ହୋଇଥିବାବେଳେ ଗ୍ୟାଙ୍ଗକୁ ସକ୍ରିୟ ଭାବେ ଚଳାଉଥିଲେ ହେମନ୍ତ । ଏହି ଗ୍ୟାଙ୍ଗକୁ ଗିରଫ କରି କୋର୍ଟ ଚାଲାଣ କରିଛି କମିଶନରେଟ ପୋଲିସ । ଗିରଫ ଅଭିଯୁକ୍ତ ହେଲେ ଭଂଜନ ଭୋଳ, ନବୀନ, ବାବୁ ବିହାରୀ, ଦିଲ୍ଲୀପ ମାଝି ଓ ସରତ ସେଠୀ ।
ତେବେ ଏହି ଗ୍ୟାଙ୍ଗର ମୁଖ୍ୟ ହେମନ୍ତଙ୍କ ନାଁରେ କଟକର ବିଭିନ୍ନ ଥାନାରେ ରହିଛି 15ରୁ ଊର୍ଦ୍ଧ୍ବ ମାମଲା । ସେହିପରି ବାବୁ ବିହାରୀ ନାଁରେ ମଧ୍ୟ 6ରୁ ଊର୍ଦ୍ଧ୍ବ ମାମଲା ରହିଛି । ଏମାନଙ୍କ ପାଖରୁ 38ଟି ମୋବାଇଲ ଜବତ କରିଛି ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
