କଟକ: ପ୍ରଧାନମନ୍ତ୍ରୀ ଆବାସ ଯୋଜନାରେ ଅନିୟମିତା ଅଭିଯୋଗ କରି ବିଜେପି ପକ୍ଷରୁ ରାଜ୍ୟବ୍ୟାପି ବିକ୍ଷୋଭ ପ୍ରଦର୍ଶନ କରାଯାଇଛି । ଏହି ଅବସରରେ କଟକ ମହାନଗର ନିଗମ କାର୍ଯ୍ୟାଳୟ ସମ୍ମୁଖରେ ମଧ୍ୟ ପ୍ରତିବାଦ କରିଥିଲେ ବିଜେପି ନେତା ଓ କର୍ମୀ ।
ଆବାସ ଯୋଜନାରେ ଅନିୟମିତତା, ବିଜେପିର କାର୍ଯ୍ୟାନୁଷ୍ଠାନ ଦାବି
ଏହା ସହିତ ସିଏମସି କତ୍ତୃପକ୍ଷଙ୍କୁ ଏକ ସ୍ମାରକ ପତ୍ର ମଧ୍ୟ ପ୍ରଦାନ କରାଯାଇଥିଲା । ଯୋଗ୍ୟ ହିତାଧିକାରୀଙ୍କୁ ବାଦ ଦେଇ ଅଯୋଗ୍ୟ ହିତାଧିକାରୀଙ୍କୁ ଏହି ଆବାସ ଯୋଜନାରେ ଘର ପ୍ରଦାନ କରାଇଥିବା ଅଭିଯୋଗ କରିଛି ଦଳ । ଏହି ଘଟଣାରେ ଯେଉଁ ଅଧିକାରୀ ମାନେ ସମ୍ପୃକ୍ତି ଅଛନ୍ତି, ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ସହ ସେମାନଙ୍କ ନାମ ପ୍ରକାଶ କରିବାକୁ ଦାବି କରିଛି କଟକ ନଗର ବିଜେପି।
କଟକରୁ ନାରାୟଣ ସାହୁ, ଇଟିଭି ଭାରତ
