କଟକ: କୁଖ୍ୟାତ ଅପରାଧି ସକିଲର 5 ସହଯୋଗୀ ଗିରଫ । ଗିରଫ କଲା କମିଶନରେଟ ପୋଲିସ । 10 ଲକ୍ଷ ଟଙ୍କା ଦାଦାବଟି ଆଦାୟ ମାମଲାରେ ପାଞ୍ଚ ଜଣଙ୍କୁ ଗିରଫ କରିଛି କମିଶନରେଟ ପୋଲିସ । ଏହି ମାମଲାରେ 3 ଜଣ ଫେରାର ଅଛନ୍ତି ।
କୁଖ୍ୟାତ ଅପରାଧୀ ସକିଲର 5 ସହଯୋଗୀ ଗିରଫ
ସୂଚନା ଅନୁଯାୟୀ, ଗତ 14 ତାରିଖରେ ଆନନ୍ଦ ସ୍ପୋର୍ଟସ ମାଲିକ ଯୋଗେଶ ଅଗ୍ରୱାଲଙ୍କୁ ମୋବାଇଲରେ ଦାଦାବଟି ପାଇଁ ଆସିଥିଲା ଧମକ । ଏହି କଲ୍ ଆସିବା ପରେ ଦରଘା ବଜାର ଥାନାରେ ଏକ ମାମଲା ରୁଜୁ କରିଥିଲେ ଯୋଗେଶ । ଦୀର୍ଘଦିନର ତଦନ୍ତ ଓ ଖୋଳତାଡ଼ ପରେ ଏହି 5 ଅଭିଯୁକ୍ତଙ୍କୁ ଗିରଫ କରିଛି କମିଶନରେଟ ପୋଲିସ ।
ଗିରଫ ଅଭିଯୁକ୍ତମାନେ ହେଲେ ଶେଖ ଅଫସାର, ମହମ୍ମଦ ଅକିଲ, ମହମ୍ମଦ ୱାଜ, ମୁକେଶ ମାହାରା ଓ ଶେଖ ରାଜା । ଗିରଫ ସମୟରେ ସେମାନଙ୍କ ପାଖରୁ ଗୋଟିଏ ସ୍କୁଟି, ପଲସର ବାଇକ ଓ 2ଟି ମୋବାଇଲ ଫୋନ ଜବତ କରିଛି ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
