କଟକ: ରାଜ୍ୟର ସର୍ବପୁରାତନ ରାଧାନାଥ ଟ୍ରେନିଂ କଲେଜର ସୁରକ୍ଷା ଦାବି କଲା କଂଗ୍ରେସ । ଭିତ୍ତିଭୂମିର ବିକାଶ ଦାବିକରି ଆଜି(ମଙ୍ଗଳବାର) ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରି ଜିଲ୍ଲାପାଳଙ୍କୁ ସ୍ମାରକ ପତ୍ର ପ୍ରଦାନ କରିଛି କଟକ ନଗର କଂଗ୍ରେସ କମିଟି ।
ରାଧାନାଥ ଟ୍ରେନିଂ କଲେଜର ସୁରକ୍ଷା ଦାବି କଲା କଂଗ୍ରେସ
ତେବେ କୌଣସି ପରିସ୍ଥିତିରେ ବି କଟକରୁ ଏହି ପ୍ରତିଷ୍ଠାନକୁ ଉଠାଇ ନେବାକୁ ଦିଆଯିବନି ବୋଲି ଦାବି କରିଛି କଂଗ୍ରେସ । ଆଗାମୀ ଦିନରେ ଏହି ପ୍ରସଙ୍ଗକୁ ବିଧାନସଭାରେ ଉପସ୍ଥାନ କରାଯିବ ବୋଲି ବିଧାୟକ ମହମ୍ମଦ ମୋକିମ କହିଛନ୍ତି ।
ଆଜିର ସମୟରେ ରାଧାନାଥ ଟ୍ରେନିଂ କଲେଜ ସାରା ଦେଶରେ ବେଶ୍ ପରିଚିତ । ମାତ୍ର ପ୍ରଶାସନିକ ଆନ୍ତରିକତା ଅଭାବରୁ ଏହା ଧୀରେ ଧୀରେ ଏହାର ଭିତ୍ତିଭୂମି ନଷ୍ଟ ହେବାରେ ଲାଗିଛି । ସରକାର କଣ ପାଇଁ ଅଣଦେଖା କରୁଛନ୍ତି ତାହା ଆଗାମୀ ଦିନରେ ସ୍ପଷ୍ଟ ହୋଇଯିବ । ଯେତେବେଳ ବିଧାନସଭାରେ ଏହି ପ୍ରଶ୍ନ ଉଠିବ ତାହାର ଉତ୍ତର ଦେବାକୁ ରାଜ୍ୟ ସରକାର ବାଧ୍ୟ ବୋଲି ମୋକିମ କହିଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
