କଟକ: ଜୁଲାଇ ମାସ ଶେଷ ସୁଦ୍ଧା ଓଡିଶାରେ କୋରୋନା ସଂକ୍ରମଣ ବୃଦ୍ଧି ହେବ ନେଇ ମତ ପ୍ରକାଶ କରିଛନ୍ତି ସ୍ବାସ୍ଥ୍ୟ ବିଭାଗର ବୈଷୟକ ମୁଖପାତ୍ର ଡ. ଜୟନ୍ତ ପଣ୍ଡା । ଡାକ୍ତର ପଣ୍ଡା କହିଛନ୍ତି ରାଜ୍ୟରେ ଯେପରି ଆକ୍ରାନ୍ତଙ୍କ ସଂଖ୍ୟା ଧିରେ ଧିରେ ବଢିଚାଲିଛି । ସେହି ଆକଳନ ଅନୁଯାଇ ଚଳିତ ମାସ ଶେଷ ସୁଦ୍ଧା ସଂକ୍ରମଣ ବଢିବା ନେଇ ଆଶଙ୍କା ପ୍ରକାଶ ପାଉଛି ।
ମାତ୍ର ଏଥିରେ ଭୟ କରିବାରେ କୌଣସି କଥା ନାହିଁ ବୋଲି ଡାକ୍ତର ପଣ୍ଡା ଦୃଢୋକ୍ତି ବାଢିଛନ୍ତି । କାରଣ ଯେଉଁ ଅନୁପାତରେ ଆକ୍ରାନ୍ତଙ୍କ ସଂଖ୍ୟାରେ ବୃଦ୍ଧି ଘଟୁଛି । ସେହି ଅନୁପାତରେ ରୋଗୀ ସୁସ୍ଥ ହେଉଛନ୍ତି । ତେଣୁ ଯଦି ଆଗକୁ ସଂକ୍ରମଣ ବଢିବ, ତେବେ ମଧ୍ୟ ଆମକୁ ଭୟବିତ ହେବା ଦରକାର ନାହିଁ ବୋଲି ସ୍ବାସ୍ଥ୍ୟ ବିଭାଗର ବୈଷୟକ ମୁଖପାତ୍ର କହିଛନ୍ତି । ତେବେ ପ୍ଲାଜମା ଥେରାପି ମଧ୍ୟ ଏହି କୋରୋନା ଯୁଦ୍ଧରେ ରାଜ୍ୟବାସୀଙ୍କ ପାଇଁ ଆଉ ଏକ ବଡ ଅସ୍ତ୍ର ସାଜିଛି ବୋଲି ଡାକ୍ତର ପଣ୍ଡା ପ୍ରକାଶ କରିଛନ୍ତି । ତେଣୁ ସଂକ୍ରମଣ ବଢିବାର ସମ୍ଭାବନା ଦେଖା ଦେଲେ ମଧ୍ୟ କୋରୋନା ସହିତ ଲଢେଇ କରିବା ପାଇଁ ଆମ ପାଖରେ ଶକ୍ତି ଅଛି ବୋଲି ସେ କହିଛନ୍ତି ।
ଏହାଛଡା ଓଡିଶାରେ ମୃତ୍ୟ ହାର ଯେତିକି ଅଛି ଆହୁରି ହେବାର ମଧ୍ୟ ସମ୍ଭବନା ରହିଛି । କିନ୍ତୁ ଏହାକୁ ଭୁଲ ପ୍ରମାଣିତ କରିବା ପାଇଁ ସମସ୍ତ ଉଦ୍ୟମ ଜାରି ରହିଛି । ଆଉ ଆମେ ସଫଳ ହେବା ମଧ୍ୟ ବୋଲି ଡାକ୍ତର ପଣ୍ଡା କହିଛନ୍ତି ।
କଟକରୁ ପ୍ରଭୁକଲ୍ଯାଣ ପାଲ, ଇଟିଭି ଭାରତ
