କଟକ: ବାଙ୍କୀ ଅଂଶୁପା ନିକଟରେ ଯାତ୍ରୀବାହୀ ବସ ସହ ବାଇକ୍ ଧକ୍କା। ଘଟଣାସ୍ଥଳରେ ଜଣଙ୍କର ମୃତ୍ୟୁ ଘଟିଥିବାବେଳେ ଜଣେ ଗୁରୁତର ଆହତ ହୋଇଛନ୍ତି। ଗୁରୁତର ଆହତଙ୍କୁ ପ୍ରଥମେ ବାଙ୍କୀ ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ଗୁରୁତର ହେବାରୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ମୃତକ ଜଣକ ହେଉଛନ୍ତି ଆଠଗଡ ଅଶୋକନଗରର ବିସ୍ମୟ କୁମାର ନନ୍ଦ। ଗୁରୁତର ଆହତ ଜଣକ ହେଉଛନ୍ତି ରୂପେଶ ପ୍ରଧାନ । ସୂଚନାନୁଯାୟୀ, ଭୁବନେଶ୍ବରରୁ ଯାତ୍ରୀବାହୀ ବସ ଶ୍ରୀ ଚକାଡୋଳା ଅନୁଗୋଳ ଅଭିମୁଖେ ଅଂଶୁପା ଦେଇ ଯାଉଥିବାବେଳେ ଅଂଶୁପା ହ୍ରଦ ନିକଟରେ ଥିବା ବୁଲାଣିରେ ବସ ସହିତ ବାଇକର ମୁହାଁମୁହିଁ ଧକ୍କା ହୋଇଥିଲା।
ସେଥିରେ ବାଇକ ଆରୋହୀ ତଳେ ପଡିଯିବାରୁ ବସ ପଛ ଚକା ଚଢିଯିବାରୁ ଘଟଣାସ୍ଥଳରେ ହିଁ ଜଣଙ୍କର ମୃତ୍ୟୁ ଘଟିଥିଲା। ତେବେ ସରଣ୍ଡା ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ପୋଷ୍ଟମର୍ଟମ ପାଇଁ ବାଙ୍କୀ ଡାକ୍ତରଖାନା ଓ ଗୁରୁତରଙ୍କୁ କଟକ ବଡ଼ ମେଡ଼ିକାଲକୁ ପଠାଇବା ସହ ବସକୁ ଜବତ କରି ତଦନ୍ତ ଜାରି ରଖିଛି।
କଟକରୁ ନାରାୟଣ ସାହୁ,ଇଟିଭି ଭାରତ
