କଟକ: ସିଲଭରସିଟିରୁ ପୁଣି ଜବତ ହେଲା ବ୍ରାଉନସୁଗାର। ୩୬ ଗ୍ରାମ ବ୍ରାଉନସୁଗାର ସହ ଜଣଙ୍କୁ ଗିରଫ କରିଛି ଜଗତପୁର ଥାନା ପୋଲିସ। ଏହାସହ ଅଧିକ ତଦନ୍ତ ଆରମ୍ଭ କରିଛି ପୋଲିସ । ସୂଚନା ଅନୁଯାୟୀ ଜଗତପୁର ଆଇବି ରୋଡ଼ ନିକଟରେ ଜଣେ ବ୍ରାଉନସୁଗାର ବେପାରୀ ବ୍ରାଉନସୁଗାର ବ୍ୟବସାୟ କରିବା ପାଇଁ ଅପେକ୍ଷା କରିଥିଲା। ଏକ ବିଶେଷସୂତ୍ରରୁ ଖବର ପାଇ ଜଗତପୁର ଥାନା ପୋଲିସ ପହଞ୍ଚି ସମ୍ପୃକ୍ତ ବ୍ୟବସାୟୀଙ୍କୁ ଯାଞ୍ଚ କରିଥିଲା।
ତେବେ ଯାଞ୍ଚ ସମୟରେ ସମ୍ପୃକ୍ତ ବ୍ୟବସାୟୀଙ୍କ ନିକଟରୁ ୩୬ ଗ୍ରାମର ଧଳା ଜହର ଜବତ କରିଥିଲା। ଏହି ଘଟଣାରେ ପୋଲିସ ବ୍ୟବସାୟୀ ଜଣଙ୍କୁ ଗିରଫ କରିବା ସହ ୨ଟି ମୋବାଇଲ ଗୋଟିଏ ହୋଣ୍ଡା ଆକ୍ଟିଭା ଗାଡିକୁ ଜବତ କରିଛି । ଗିରଫ ହୋଇଥିବା ବ୍ୟବସାୟ ଜଣକ ହେଉଛନ୍ତି ଜଗତପୁର ଅଞ୍ଚଳର ଛୋଟୁ ଓରଫ ପ୍ରଶାନ୍ତ ପଲେଇ। ତେବେ ଏଥିରେ ଆଉ କେଉଁ ମାନଙ୍କର ସମ୍ପୃକ୍ତି ରହିଛି ସେନେଇ ଅଧିକ ତଦନ୍ତ କରୁଛି ପୋଲିସ।
କଟକରୁ ନାରାୟଣ ସାହୁ, ଇଟିଭି ଭାରତ
