କଟକ: ସହରର ଜଗତପୁର ଛକ ନିକଟରୁ 12 କ୍ବୁଣ୍ଟାଲ ଭାଙ୍ଗ ବୋଝେଇ ଏକ ଟ୍ରକ ଜବତ । ଏହାକୁ ଜବତ କରିଛି ଅବକାରୀ ବିଭାଗ ।
ତେବେ ଜବତ ହୋଇଥିବା ଭାଙ୍ଗର ମୂଲ୍ୟ 6 ଲକ୍ଷ ଟଙ୍କା ବୋଲି ଅନୁମାନ କରାଯାଉଛି । ଖବର ପାଇ ଅବକାରୀ ବିଭାଗର ଏକ ଟିମ ଜଗତ ପୁର ଛକ ନିକଟରେ ଚଢ଼ାଉ ବେଳେ ଏହି ଭାଙ୍ଗ ବୋଝେଇ ଟ୍ରକଟିକୁ ଧରିଥିଲା । 30ଟି ଅଖା ବ୍ୟାଗରେ ଏହି 12 କ୍ବୁଣ୍ଟାଲ ଭାଙ୍ଗ ଭର୍ତ୍ତି କରାଯାଇଥିଲା ।
12 କ୍ବୁଣ୍ଟାଲ ଭାଙ୍ଗ ଜବତ, ଡ୍ରାଇଭର ଗିରଫ
ତେବେ ଏହି ଘଟଣାରେ ଟ୍ରକ ଡ୍ରାଇଭରକୁ ଗିରଫ କରାଯାଇଛି । ଏହି ଭାଙ୍ଗ କଲକୋତାକୁ ଚାଲାଣ କରାଯାଉଥିବା ନେଇ ସୂଚନା ଦେଇଛି ପୋଲିସ ।
କଟକରୁ ନାରାୟଣ ସାହୁ, ଇଟିଭି ଭାରତ
